”#مقاطعة_اللحمة” هاشتاج جديد يتصدر ”تويتر”
شن رواد موقع التواصل الاجتماعى "تويتر"، حملة موسعة لمقاطعة اللحوم بعدما ارتفعت أسعارها بالأسواق بطريقة مبالغ فيها مؤخرا، ودشنوا هاشتاج أطلقوا عليه "#مقاطعة_اللحمة" للمطالبة بتخفيض أسعارها قبل قدوم موسم عيد الأضحى المبارك.
كما شدد الرواد على أهمية التعاون للتنديد بجشع الجزارين وما يفعلونه دون مراعاة الفقراء والطبقات الكادحة فى المجتمع.
وانهال الرواد بالتعليقات على الهاشتاج، فقالت "@Rania_Elalfi": "#بلاها_لحمة فعلا لازم نقاطع اللحمة وكل المنتجات اللي جاية من المزارع"، بينما طرح "@_MohamedMahran" تساؤلا قائلا: "هل ستجدي فعلا #مقاطعة_اللحمة مع ماصي دماء المصريين!!".
فيما غرد "@maxweeter" قائلا: "#مقاطعة_اللحمة علشان نعلم حلاوة العنتبلي الأدب"، وقالت: "@gehanmehany77" : "انت اللي تقدر توقف جشع التجار".
وفى السياق نفسه، قال "@eeldoaa2yahooc"ساخرا: "أنا متضامن وبشدة مع حملة #مقاطعة_اللحمة مش علشان أسعار اللحمة تقل لأنى عارف إنها مش هتقل.. أنا متضامن مع الحملة حفاظا على أرواح الحمير اللى بيدبحوها الجزارين"، بينما قال "@AdelAbdou8": "ناس هتقول: لو قاطعنا اللحمة السمك هيغلى.. لو قاطعنا السمك واللحمة الخضار هيغلى.. إحنا بنحارب إرهاب الجشع بتاع التجار".
وغرد "@mahamad71shabar" قائلا: "جشع التجار وطمعهم جعل كيلو اللحمة بقى بـ٩٠ جنيه.. قاطعوا اللحمة لمدة شهر"، فيما قالت "@Esraa_yehia" : "يابيه إحنا كدا كدا مقاطعينها.. يا بيه فى جيل كامل ما يعرفش معنى الكلمة دى إحنا غلابة يا بيه أقسم بالله".