باسم مرسي يوجه رسالة لزملائه في المنتخب قبل مواجهة نيجيريا
وجه باسم مرسي مهاجم نادي الزمالك ومنتخب مصر رسالة لزملائه في المنتخب وذلك قبل مواجهة نيجيريا في تصفيات كأس الأمم الإفريقية في الجولتين الثالثة والرابعة يومى 25 و29 مارس الجاري.
وقال "باسم" في فيديو نشره عبر الصفحة الرسمية الخاصة به على موقع التواصل الإجتماعي "فيس بوك" : "بوجه رسالة للمنتخب ولاعبى المنتخب ، لاعيبة رجالة ان شاء الله وهيفرحونا في نيجيريا ان شاء الله".
وواصل مهاجم الزمالك تصريحاته : " بالتوفيق يارب الفترة الجاية وبالتوفيق للجهاز الفني واحنا المصريين كلها وراكم وربنا يكرمكم يارب الماتش الجاي وانتوا ان شاء الله رجالة وتقدروا تكسبوا هناك وترجعوا منتصرين".
وأضاف "باسم" : "دعوات المصريين كلها معاكم وقلوبنا كلها معاكم ويارب يوفقنا ونرجع كسبانين ونتأهل وانتوا رجالة وتقدروا تعملوا كده والجهاز الفني جهاز محترم ويا جماعة مفيش انتقادات الفترة الجاية واحنا كلنا وراء المنتخب وبندعم المنتخب وربنا معاكم ويقويكم".
وكان الأرجنتيني هيكتور كوبر المدير الفني للمنتخب قد إستبعد باسم مرسي من القائمة التي ستخوض هذا اللقاء لإعتبارات فنية.