داعية سلفي لـ”الإخوان”: أسأل الله أن ينتقم منكم بكل قطرة دم سالت

انتقد سعيد عبدالفتاح الداعية السلفي، تصريحات حمزة زوبع القيادي بجماعة الإخوان، بخصوص اعتصام رابعة العدوية، التي قال فيها: إن "اعتصام رابعة ليس لعودة محمد مرسي للحكم بل للتفاوض".

وقال عبدالفتاح، عبر صفحته على "فيسبوك": "أظن كده حمزة زوبع جاب من الآخر، وأظن بعد كده كل واحد محترم يسكت ومايدافعش عن الناس دي، الراجل بيقول كنا عارفين إن اعتصام رابعة مش هايرجع الرئيس، طيب آمال كنا عاملين اعتصام ليه وكل شوية نقول الرئيس راجع؟ كنا عايزين نزيد مساحة التفاوض السياسي".
وأضاف: "والله العظيم إنتوا خونة ومجرمين ربنا ينتقم منكم، وعلى فكرة كل اللي بيحصل لحد دلوقتي برضه لزيادة مساحة التفاوض السياسي". 

وتابع: "كل الأرواح اللي بتموت والبنات اللي بتعتقل والدماء اللي بتسيل هدفها هو زيادة مساحة التفاوض السياسي، وبعد كده تقولوا علينا خونة يا خونة؟، والناس زعلت لما قلت ‫رابعة العار‬؟، أسأل الله أن ينتقم منكم بكل قطرة دم سالت بسببكم".