اللواء رأفت الشرقاوي: الرئيس السيسي رجل المواقف الصعبة

أشار اللواء رأفت الشرقاوي مساعد وزير الداخلية السابق للأمن العام إلى مشاركة الرئيس السيسى فى حفل أفطار القوات المسلحة أو قل حفل إفطار الأمة المصرية ، ويدلى بعدة تصريحات للشعب المصري : بنتحرك في جميع المجالات بخطط مدروسة وربنا يوفقنا ويطرح البركة .

وقال الرئيس عبدالفتاح السيسى القائد الأعلى للقوات المسلحة في الحفل الإفطار السنوى الذى أقامته القوات المسلحة، إننا نتحرك في جميع المجالات بخطط مدروسة وربنا يوفقنا فيه ويطرح البركة، معقبا: "احنا باصين قدامنا وبنتحرك في كل المجالات بهدوء شديد وتخطيط مدروس وربنا يوفقنا فيه ويطرح البركة.. والمفروض نزود جهدنا أحسن، بكلم نفسي وبكلم مؤسسات الدولة وكل الناس، وكل ما الظروف تبقى صعبة نشتغل أكتر، وكل ما الظروف تأسى علينا نشتغل أكتر، ونبقى متطمنين ولا يمكن أبدا، ربنا سبحانه وتعالى يضيع الجهد والعمل المخلص الأمين الشريف، ولا يمكن يضيع، دي سنن ربنا حطها في الوجود، ما دام في عمل وإخلاص وأمانه وشرف، دي كلها مبررات وركائز للنجاح".

وتابع: "سعيد إني ألتقى بكم وكل سنة وانتو طيبين.. قالولي كتير عن شاب بيعمل برنامج.. بس لي ملحوظة واحدة، بندي الفرصة في التليفزيون وقنواتنا ومسلسلاتنا للعمل الإيجابي اللي فيه جدية والتزام، بنضحك عليه كتير والدراما عاملة مسلسلات كتير، مايجراش يبقى في حاجة جادة شوية... ونقول للناس فى مصر اوعوا ترعوا الهزل فقط والكلام اللي مايبنيش أمة فقط، دوروا على الصالح".

وعلق الفنان سامح حسين، على إشادة السيد الرئيس عبد الفتاح السيسي قائلا: "برنامج قطايف كان أولا وأخيرا نجاح بفضل من ربنا ثم الشعب المصري، اللي لسه سيادتك بتقول بيتفرجوا على الشيء الجيد".

وتابع: "لما عملنا الحلقات عملناها أنا وأصدقائي لوجه الله وربنا كرمنا من وسع، وكانت أول حلقة، إلا من أتى الله بقلب سليم، ووجودي هنا عظيم الشرف لنا وحسينا فعلا الجمهور المصري يتذوق جدا وشغوف جدا يلاقي منتج محترم وجيد هتلاقيه هو مدفعناش جنيه على البرنامج دا دعاية، هو اللي عمل دعاية، وجزيل الشكر على الشعب المصري اللي نفسه يتفرج على حاجة محترمة".

وقال الرئيس السيسي القائد الأعلى للقوات المسلحة في الحفل الإفطار السنوي الذي أقامته القوات المسلحة ، إن مصر في بداية التحسن الاقتصادي، معقبا : " احنا في بداية التحسن، رغم إن الرقم 7 أو 8 مليار دولار مش بسيط، وزير المالية لما تتكلم معاه يقولك المبلغ دا لو معانا دلوقتي هنعمل حاجات كتير، وهنبقى في ظرف أحسن من كده، والحمد لله، احنا ماشيين وهنستمر بفضل الله، والأحوال هتتحسن بفضل الله وبفضل المصريين وعمل كل المؤسسات، وما تتوقفوش وتنظروا للخلف، ماتبصوش وراكم إلا للعلم وللدرس والفهم عشان ماتتكررش أخطاء، واحنا باصين قدامنا وبنتحرك في كل المجالات بهدوء شديد وتخطيط مدروس وربنا يوفقنا فيه ويطرح البركة، لما دولة رئيس الوزراء بيتكلم، السنتين اللي فاتت كانت الظروف صعبة".

وتابع: "متطمنين طبعا، ومؤسسات الدولة متطمنين طبعا، ولما بقول الجيش و الشرطة مقصدش بيها دول فقط، لكن بعتبرهم في الظروف دي، هم محوري الارتكاز لأمن واستقرار الدولة المصرية، وبنبص على اتجاهات الجنوب، مع السودان وطبعا كلنا متابعين، ومع أهلنا في ليبيا، وحتت تانية كتير، وكل دا له تأثيرات، ولكن بفضل الله احنا في وضع كويس، وبطمن المصريين ودي تالت مرة أقولها، لأني لمست في الشهرين التلاتة اللي فاتوا خوف، وإن يبقى عندنا قلق على بلدنا أمر محمود.

أشار الرئيس السيسى القائد الأعلى للقوات المسلحة في الحفل الإفطار السنوي، الذي أقامته القوات المسلحة، إن الـ15 سنة الماضية مرت على مصر بظروف صعبة وإحنا بخير، وبنتحرك بفضل الله بخطوات ثابتة، معقبا: "الحمد لله رب العالمين إحنا بخير وسلام، وبنتحرك بفضل الله سبحانه وتعالى بخطوات ثابتة ومستقرة ومدروسة فى كل المجالات.. وإحنا اتكلمنا في الموضوع دا قبل كده، والدول بتاخد وقت كبير إنه يكون في تخطيط، وربنا يوفق في التخطيط دا، والقائمين عليه بينفذوا، ولكن نتائجه ما بنبانش، وكتير مننا بيتصور إنه بيكون بسرعة، لا بتاخد وقت، خاصة لو كانت المشاكل والظروف الصعبة زى اللى مرت علينا، ومصر في الـ 15 سنة اللي فاتوا، كانت ظروف صعبة أوي، ولما بذكرها ما بقصدش بيها إننا ما ننساش، ونبقى دائما ماسكين ومتشبثين بالواقع اللي ربنا سبحانه وتعالى أفاء علينا بيه، في ظل إن المنطقة والعالم يعاني من حالة صعبة.

وتابع: "يمكن حد يقولي طب ظروف اقتصادية صعبة، أقول له تخيل إن احنا تقريبا بنفقد كل شهر من 800 لـ 900 مليون دولار، مش كل المبلغ دا عشان أكون صادق، لكن 60 أو 70% منه نفقده نتيجة الظروف اللي بتمر بالمنطقة، والتعرض لمجرى الملاحة، ورغم كده، بكلم محافظ البنك المركزي وأقوله أخبارك إيه، لأن المبلغ دا كان دخل مباشر للدولة، ويقول لي الحمد لله إحنا بخير والأمور ماشية كويس، ويمكن من خلال اليومين تلاتة اللي فاتوا صندوق النقد وافق على الخطة اللي ماشيين بيها في الاجتماع اللي تم، دا مؤشر جيد، وبرضو كلام المحافظ جيد ويطمنا رغم الظروف اللي إحنا فيها ربنا بيساعدنا".

وأكد على أن الرئيس عبدالفتاح السيسي، رجل المواقف الصعبة ، الثقة الكبيرة فى الله والتى اعتاد عليها كانت محور ثقة كل المصريين فى سيادته منذ ٢٠١٣ وحتى الآن ، ومع كل تلم التحديات تثبيت الأيام،حسن رؤيته للأمور ، مع تحليه بالصبر والثقة بأن الله لن يخذل ابدآ من كفاح وأجتهد.