دنيا عبد العزيز تكشف أخطر تهديد تعرضت له: هددني يشوه وشي

تحدثت الفنانة دنيا عبد العزيز عن والدتها الراحلة وأسرار كثيرة حول علاقتهما، وذلك خلال لقائها في برنامج "في العمق" .

وقالت دنيا عبد العزيز: أنا محافظة على كل حاجاتها، أوضتها وسريرها وتليفزيونها ونظارتها، والأباجورة الخاصة بها وتوكة شعرها وفرشتها، وآخر شبشب لبسته قبل ما تنزل من البيت.

وأضافت: لبسها كله موجود لإن ريحتها فيه، ومفيش حد بيدخل الأوضة وينضفها غيري، لكن ممكن أدخل حد كانت بتحبه جدا يقرأ لها الفاتحة، والتليفزيون على آخر قناة كانت بتتفرج عليها، وآخر بطاطين اتغطت بيها ما اتغسلوش، وفي شعر لها في الفرشة لسه موجود.

وتابعت: الحياة وقفت و معيشتش يوم حلو من بعد موت أمي و مستنية اروحلها، بدخل الأوضة وأكلمها وأحكي لها، وأدعبس في صورها القديمة الخاصة، طول الوقت فيه تفاصيل متعلقة بوالدتي بتلاحقني، زي إني ابقى نازلة منهارة ومتضايقة ألاقي توك توك مكتوب عليه جودي.