النهار تنفرد بكشف ممتلكات الفريق شفيق واسرته من داخل سجلات التحقيقات بجهاز الكسب غير المشروع‏

كتب : محمد مدينرصد الموقع الالكتروني لجريدة النهار المصرية ممتلكات الفريق احمد شفيق كما ذكرت اوراق التحقيقات في جهاز الكسب غير المشروع في البلاغات المقدمة ضده هو واسرته والتي تتهمه بالتربح واستغلال النفوذ والكسب غير المشروع ونذكر لسيادتكم ما ورد بمحاضر التحقيقات من ممتلكات1- الفيلا رقم 3، نموذج أ.س في المجموعة السادسة بمدينة الرحاب..ودي الحقيقة مش قاعد فيها دلوقتي.. هوا قاعد في قصر تاني في القاهرة الجديدة، دي تقريبا عاملها علشان لما يحب يفوت على الرحاب يشرب شاي بس..2- شقتين بعمارات الجيش أمام الرقابة الإدارية في منطقة قسم النزهة..ودي قدام الرقابة الإدارية زي ما حضراتكم شايفين.. شقيتين غلابة تقريبا راحهم مرة واحدة من ساعة ما سيادته استلمهم، والشباب مش لاقي عشة حتى..3- القصر رقم 22 في منطقة لسان الوزراء في مارينا، ومكتوب عليه بالبنط العريض: فيلا أحمد شفيق..وعلى فكرة الحاج الجنزوري جاره على ما أتذكر..!! وفيه ناس دلوقتي في السجن اتحاكمت بتهم تربح كان من ضمنها القصور العظيمة دي.. يحيا العدل!!4- قصر تاني في مدينة شرم الشيخ.. علشان لما كان يحب يروح لحبيبه المخلوع الكبير اللي نهب قصوره من خيره..!5- قصر تالت بقى بس في مدينة فايد في الإسماعيلية بجوار مطار كبريت.. وده حاجة بسيطة كده تربحها أيام ما كان بينهب.. قصدي أيام ما كان بيدير جميعة الطيارين في التسعينات..6- فيلا تانية في مدينة فايد برضو.. علشان القصر اللي جنب مطار كبريت ساعات حركة الطيران تعمل صوت فتزعج سيادته.. فيروح الفيلا بتاعته في فايد مش بعيد برضو..7- شقة في مصيف القوات المسلحة في سيدي كرير.. طبعا مش مقام سيادته.. لكن تنفع برضو علشان البنات لو حبوا يروحوا وكده.. ربنا يخليهم له عنده شيرين ومي وأميرة ووالدتهم عزة توفيق الله يرحمها ويجعل مثواها مع الصالحين أمثالهم جميعا إن شاء الله..8- وعلى ذكر السيدة عزة.. كان سيادته كاتب باسمها قطعة الأرض رقم 310 ب، في منطقة تقسيم الكوثر.. في الغردقة.. مساحتها 877 متر بس..!!9- وطبعا لإن الحتة بتاعت الكوثر في الغردقة دي لطيفة وجوها شرح، فخد سيادته كمان باسم نفسه القطعة رقم 310 أ، ومساحتها 1149 متر بس..!!!!!10- شيرين ومي وأميرة بقى كانت متخصصة لهم بالأمر المباشر باسمهم القطعة رقم 25 في المنطقة 24650 في منتجع جولف القطامية، ودي مساحتها يادوب 685 متر.. وفي نفس الكشف اللي فيه أساميهم مع المحظيين بتوع التخصيص فيه برضو ولاد اللواء هتلر طنطاوي بتاع الرقابة الإدارية.. وكمان ولاد المرحوم كمال الشاذلي ربنا يحسن مثواه..!11- شرين ومي وأميرة أحمد شفيق برضو اتخصص لهم بالأمر المباشر.. تاااااني.. عادي يعني مفيش مشكلة.. قطع الأراضي رقم 26 و28 و30 في المنطقة رقم 17001 في العجمي في القاهرة الجديدة.. بمساحة إجمالية لا تتعدى الـ2515 متر مربع.. يعني يدوب ممكن يبنوا عليهم مطار زغنون يلعبوه فيه، وبرضو هياخدوا التذاكر ببلاش بأوامر بابي اللي سرق ما شاء الله لدرجة تؤهله دلوقتي لرئاسة الجمهورية..!!12- شيرين ومي وأميرة تااااني.. واضح إن الاسم ده هيستمر معانا كتير.. اتخصصت لهم النهيبة رقم.. قصدي القطعة رقم 624 في منطقة الجولف في القاهرة الجديدة بمساحة 880 متر تقريبا..13- ولسه معانا شيرين ومي وأميرة أحمد شفيق.. الراجل ذات نفسه محيلتوش حاجة يا عيني غير التلات قصور العمي.. متخصصة لهم المرة دي القطعة رقم 625 في الجولف برضو في القطامية.. بمساحة 867 متر مربع..14- ونطلع على باريس.. وشقتين في أجمل مكان يطل على برج إيفل مباشرةً، ساركوزي ذات نفسه معندوش زيهم.. شفيق واخدهم عادي كده يعني علشان لو البنات حبوا ينزلوا يعملوا شوبنج في الشانزليزيه ولا حاجة.. حرام فلوس الأوتيلات.. احنا مش بنسرق فلوسنا..!!!15- فيه كمان فوق ده شوية عقارات في الجونة، وحبة أرصدة في البنوك..