”كل سنة وانت بتعشق المسرح”..دنيا سمير غانم تهنئ خالد جلال بعيد ميلاده

حرصت الفنانة دنيا سمير غانم أن تهنئ المخرج خالد جلال بيوم ميلاده خاصة بعد تعاونهم الأخير في مسرحية "أنستونا" حيث نشرت صورتهم وكتبت: "كل سنه وحضرتك طيب وراقي واستاذ وبتعشق المسرح ومبسوطه جدا ومستمتعه ان اول مسرحيه عملتها في حياتي كانت من إخراج حضرتك بتمني لك دوام الصحة والنجاح الجامد".

دنيا سمير غانم تشيد بمعلمتها

نشرت دنيا سمير غانم عدة صور تجمعها بمعلمتها وحرصت أن تشيد بيها فقالت: "الصور دي من أهم الصور المعبرة في حياتي، ‎لإني متصورة مع الأم والأستاذة المربية الفاضلة د/نوال الدجوي أو زي ما اتعودنا نقول لها "ماما نوال "،‎أنا فخورة إني متخرجة من مدرسة "دار التربية " وجامعة “MSA” اللي حضرتك بكل تفاني بذلتي مجهود كبير في انهم يكونوا مكان جميل مش بس للتعليم والتربية ولكن لإكتشاف المواهب"

وتابعت: "‎لما كنت في أولي حضانة مدرستي هي اللي اكتشفت إني بعرف أغني وكانوا كل مدرسين الموسيقي مهتمين انهم يخلوني أغني كل سنة في حفلة المدرسة وكانوا بابي ومامي بييجوا ويتفرجوا عليا وكانت دي من أجمل ذكرياتي اللي استرجعتها امبارح لما كنتي حضرتك بتتفرجي عليا وانا بمثل علي المسرح وجملة حضرتك ليا بعد العرض "انت هتخليني أهتم أكتر بالمواهب الصغيرة في المدرسة عشان يكونوا زيك "

وأضافت:" ‎انا بشكرك جدا علي كل حاجة زرعتيها فيا من زمان بطريقة مباشرة أو غير مباشرة،‎ حضرتك والأم الثانية لينا ميس مني الدجوي رمز للرقي والشياكة وصديقتي وزميلتي إنجي منصور ‎حقيقي نورتوني وأثرتوا فيا أوي وبحبكوا أو ي"

خالد جلال يشيد بدنيا سمير غانم

أشاد ونشر المخرج خالد جلال صورة له برفقة الفنانة دنيا سمير غانم، وأبدى إعجابه بها بعد نهاية العرض وبنجاحها وتألقها في أول ليلة من عرض مسرحيتها.

حيث علق نصًا على الصورة:" اليوم كان إفتتاح "أنستونا" اليوم تفوقت دنيا علي نفسها ونالت إعجاب الجميع اليوم بحمد الله وفضله، لا قوة إلا بالله".

آخر أعمال دنيا الغنائية

هي أغنية "نحنوح "وهي من كلمات عليم وألحان عزيز الشافعي وتوزيع أحمد عادي وميكس ماستر هاني محروس وجيتار مصطفى أصلان.