هاشتاج ”#وجه_رساله_لمخبرك_الخاص” يسخر من مراقبة مواقع التواصل

دشن نشطاء موقع التواصل الاجتماعى "تويتر" هاشتاج اسموه "#وجه_رساله_لمخبرك_الخاص"، تعبيرا عن السخرية من شباب الفيس بوك وتويتر بعد إعلان وزارة الداخلية مراقبتها لمواقع التواصل الاجتماعى لمعرفة من يقوم بتصنيع التفجيرات التي تستهدف الأبرياء على "فيس بوك" و"تويتر" و"فايبر" و"واتس آب".

وكانت تعليقات النشطاء مليئة بالضحك والسخرية موجهيين رسالة الى من يقوم بمراقبتهم، بعضهم يرسل السلامات لمن يراقبه والبعض الآخر يعلن تأييده التام للمشير عبد الفتاح السيسي.

وكتب mohammedabdal32: "راقبني بس براحة مش كل حاجة تروح تحكيها أجيبلك تفطر!! ده انت تؤمر". وطلب Mohamed_MGobran من مخبره طلب خاص حيث علق: "متعرفش حد يا باشا فى مرور النزهة عليا مخالفات كتير عايز اشيلها وليك الحلاوة".

وغرد bakr_beeeh قائلا: "أنا بحبك في الله"، وسخرت emmy76: "رايحة امسح الشقة ريحلك شوية مققت عنيك معايا".

وكتبت Emitcheka: "كلم انغام من فضلك تعمل حفلة فى الاوبرا اثبتلى انك سيطرة وكده، غير كده ماتستهلش تكون مخبرى الخاص". وأضافت z_noha: "بص يا باشا انا بقوم من النوم انام تاني.. يعني مش هتعبك ولو مش عايزني اقوم من النوم اصلا قول.. أنت تأمر".

وقالت هبة عويضة: "متتعبش نفسك انا حعترف من اول ريتويت".

واعترفت سارة عادل على نفسها قائلة: "اساسا انا جيت تويتر غلط ياباشا واساسا انا سارقة اﻻكونت ده ومعرفش الناس اللى فيه دول إﻻ هو يعنى ايه DM ياباشا". وعلق خالد محمد: "مواعيد نومك ايه نظامها عشان نظبط مع بعضنا كده".

وكتب IAmAwesome99Wwe: "ياباشا انا اصلا قاصر وعندى 15 سنة متضيعش وقتك مع واحد اهبل زى ومش فاهم حاجة من الدنبا".

وسخرت Mariana maher: "بص بقي احظابط عايزاك تقفشلي العيال اللي بيعملوا انفولو وتكهربهم كلهم".

كان اللواء عبد الفتاح عثمان، مساعد وزير الداخلية للعلاقات العامة والإعلان، قد صرح مساء الأحد، بأن مراقبة "فيس بوك" و"تويتر" ليست "عودة لعهد مبارك وإنما هى حماية للأبرياء الذين يفقدون أعمارهم نتيجة للإرهاب. وأكد على احترام حق المواطن في المعرفة. - See more at: http://www.el-balad.com/980488#sthash.ik7S58Jo.dpuf