منة عدلي القيعي تدعو لتجديد حملات المقاطعة: فيه بديل لكل حاجة

دعت مؤلفة الأغاني منه عدلي القيعي، إلى استمرار حملات مقاطعة المنتجات التي ترجع أرباحها إلى دولة الاحتلال، تزامنًا مع عودة حرب الإبادة على فلسطين.

وكتبت منة القيعي عبر حسابها الرسمي على فيسبوك: مقاطعة مقاطعة مقاطعة انا ابتديت مقاطعة مع بداية الابادة، ومع الوقت فعلا اكتشفت أنه فيه بديل لكل حاجة، كل حاجة حرفيا ليها بديل، باستثناء السوشيال ميديا والـapple devices للي معتمد عليها، اكل شرب لبس مستحضرات تجميل وتنظيف كل حاجة بجد ليها بديل.

وأضافت: أنا مش بحكم على أي حد مش مؤمن بالمقاطعة، بس أنا أكاد أجزم أن اللي وصلنا لهنا من الأول هي الاعتمادية الكاملة اللي وصلنالها كشعوب في أدق تفاصيلنا، مانكرش أني في الأول كنت بقاطع عشان الأحداث الراهنة فقط، بس مع الوقت الموضوع بقي عقيدة وثقافة بحاول وأجاهد نفسي أني أثبتها أيًا كانت نتيجة هذه الحرب.

واختتمت منه القيعي: أنا بطرد العدو اللي احتلني انا، اللي احتل حياتي وافكاري ولبسي واكلي وشربي وصحتي وخلافه، وتاني هقول أني انا، منة، مؤمنة ١٠٠٠٠ ٪؜ أن اللي وصلنا لهنا كشعوب هي الاعتمادية في المقام الأول، المقاطعة للتحرر البعيد، وليس فقط للتأثير على الاحداث الراهنة، ربنا يثبتنا، ويهدينا للصواب.