بعد تغيير النظام..تامر أمين يتنقد المواد الأدبية بالثانوية العامة
![تامر أمين](https://media.alnaharegypt.com/img/24/08/13/1072629_1723581954.jpg)
هاجم الإعلامي تامر أمين المواد الدراسية الخاصة بثانوية عامة، وخاصة ما يخص المواد الأدبية.
وقال تامر أمين خلال تقديمه برنامج "آخر النهار" عبر قناة النهار: "إحنا من الثمانينيات بنتكلم عن تطوير المناهج، وكل اللي حصل في 40 سنة إنك شيلت الحشو والزيادات، لكن المناهج هي هي بنسبة 90%، وآن الأوان نغيرها".
وأضاف: "القسم الأدبي مشكلة المشاكل، إيه في المواد الأدبية اللي بيدرسها طلبة الثانوية العامة مفيد هذه الأيام؟ وإيه استفادة طالب الثانوية العامة في دراسة تاريخ وجغرافيا لمدة 3 سنوات؟ ويدرس فلسفة ومنطق ليه؟ هيستفيد منهم في إيه عند الدخول إلى الكلية أو سوق العمل؟"
واستكمل:" الطالب ممكن يدخل آداب قسم فلسفة، على عيني وراسي لكن يتخرج إيه؟ هل عندنا وظيفة اسمها فيلسوف؟ آخره يحاول يدور على شغلانة مدرس فلسفة، وكذلك أقسام التاريخ".