محدش يقدر يعدل عليا.. إبراهيم سعيد يتحدى منتقديه من جمهور الزمالك

وجه إبراهيم سعيد، نجم النادي الأهلي ومنتخب مصر السابق، انتقادًا حادًا لمنتقديه من جمهور نادي الزمالك، بسبب تصريحاته الأخيرة عن الفريق وانتقاده للفارس الأبيض في مباريات الدوري.

وقال إبراهيم سعيد في تصريحات ببرنامجه «بلس 90» المذاع على شاشة النهار: «الزمالك بعيد عن المنافسة، بس عايزين نشوف شكل الزمالك اللي عارفينه، الناس بتفضل تهاجمني بس هل جمهور الفارس الأبيض مبسوط بالهزيمة والخسارة والنتائج السيئة دي، حتى لو مفيش لعيبة بس أنت عندك خبرات وعناصر مميزة«.

وأضاف: «عيب إني كنادي الزمالك أنزل أخسر من أي حد، هل الجمهور مبسوط بالأداء الوحش، مفروض أن نادي الزمالك على مر التاريخ هدفه الفوز».

وأكمل: «الزمالك عند مشكلة في الملعب، ولو على المشكلات الإدارية فمجلس الإدارة بيحاول يحل الغرامات والمستحقات وغيره، وبنشيد باللعيبة بنادي الزمالك زي عبدالله السعيد، ومحمود الشناوي حارس المرمى الواعد، وعمر جابر وغيره».

وواصل نجم الأهلي السابق: «الزمالك عنده لاعيبه كبيرة أكتر من 8 لازم يمشوا ومعظمهم في الساحل، وأنتم كجمهور جايين على اللاعبيين الصغيرين اللي لسه بيصعدوا السلم، جيل صغير لسه بيشم نفسه وعايز يثبت وجوده».

وأتم إبراهيم سعيد تصريحاته: «أنا بتكلم بخبرتي في الملعب والحياة، كنا بنلعب قصاد 100 ألف مشجع، الـ30 ألف اللي بتشوفوهم دلوقتي دول كانوا بيحضروا التمرين بس، عشان كدة بتكلم بوجهة نظري وخبرات جوا الملعب، وليا أسمي ووضعي محدش يقدر يعدل عليا».