هادي الباجوري يكشف سبب انفصاله الحقيقي عن ياسمين رئيس

كشف المخرج هادي الباجوري عن السبب الحقيقي وراء انفصاله عن الفنانة ياسمين رئيس.

وقال هادي الباجوري، خلال لقاءه ببرنامج"حبر سري": "سبب طلاقي من ياسمين رئيس مش بسبب تصريحي على الغيرة، التصريح ده كان في انترفيو وكان الكلام على أن لو في أدوار معينة ممثلة لازم تعملها عشان أنا كنت وقتها عامل فيلم (قمر 14) وكان فيه بوس لشيرين رضا وخالد النبوي، وقالوا لو ده اتطلب من ياسمين وهي كانت مراتي ساعتها هل هتوافق على كده؟، وكان ردي عايزني أبقى منافق يعني مينفعش ابقى موافق إن ممثلة تانية تعمل ده ومش موافق على دي عشان هي مراتي

وتابع: أيوة هي لو موجودة في فيلم زي ده ومشهد زي ده هخليها تعمل ده، مش هقدر أقولها لأ عشان هبقى منافق والموضوع مكانش ليه أي علاقة بالغيرة هو ليه علاقة أني راجل مؤمن باللي أنا بعمله وبقدمه بشكل واضح وصريح.