النهار
الخميس 17 أبريل 2025 10:04 صـ 19 شوال 1446 هـ
جريدة النهار المصرية رئيس مجلس الإدارة ورئيس التحريرأسامة شرشر
نيوكاسل يدك شباك كريستال بالاس 5-0 ويرتقى للمركز الثالث بترتيب الدوري الإنجليزي لماذا تتسابق الصومال وارض الصومال لخطب ود الثنائي ترامب نيتنياهو في استقبال سكان غزة ؟ إنتر ميلان يقصى بايرن ميونخ بالرغم من التعادل 2-2 في دوري الأبطال الاستسلام خط حماس الاحمر الاخير ولا نزع للسلاح ولا خروج لقيادتنا خارج القطاع ريال مدريد يودع دوري الأبطال بخسارة ضد أرسنال بنتيجة 2-1 هل يستطيع ويتكوف نزع فتيل الازمة النووية الامريكية الايرانية ؟ لماذا تعلن ازربيجان رغبتها في الوساطة بين تركيا واسرائيل ؟ تعاون إستراتيجي بين إريكسون ووزارة الإدماج الاقتصادي والمقاولة الصغرى والتشغيل والكفاءات (MIEPECC) لتعزيز الشمول الرقمي في المغرب شركه visa تعلن استثماراتها في شركات التكنولوجيا المالية الأفريقية Konnect وPayTic خلال معرض جيتيكس 2025 كاسبرسكي تكشف عن أنشطة الأطفال على الإنترنت نكشف أسباب براءة متهم من جريمة ضرب والدته الذي أفضي للموت في بورسعيد عبد اللطيف عُلما الرئيس التنفيذي لـ جوميا مصر يشارك في منتدى التجارة والاستثمار الإفريقي

فن

معرفش ليك أغاني.. حسن شاكوش يفتح النار على محمود العسيلى

حسن شاكوش
حسن شاكوش

شن الفنان حسن شاكوش هجوما شرسا على الفنان محمود العسيلي بعد تصريحات الأخير التى هاجم فيها حسن بسبب اعتلاء صدارة الأعلى استماعا بالوطن العربي.

ورد حسن شاكوش خلال لايف عبر حسابه الشخصي بموقع إنستجرام، قائلا: مينفعش نبقى في وش بعض نتكلم بأسلوب، وفي الضهر نتكلم بشكل تاني وبطريقة تانية، أنا مبحبش البني آدم اللى كده، محمود العسيلي جالى كذا حفلة وبنزل الاستيدج وأروح أسلم عليه ده ذوقيًا، وده اللى اتربينا عليه.

وتابع حسن شاكوش: يعني أنت عرفت اسم عصام صاصا ومش عارف أغانيه، مينفعش يكون عصام صاصا تريند وأطلع أقول معرفش بيغني إيه.

وأوضح شاكوش: أقسم بالله مش عشان حاجة أنا مش حافظ أغاني لمحمود العسيلي ولا أعرفها، إحنا الحمدلله والشكر لله مسمعين وموجودين في الوطن العربي، اللى هيحترمنا هنشيله فوق دماغنا، واللى مش هيتحترمنا مش هنحترمه، مينفعش يطلع من بوقي لفظ يضايق أي حد وأنا بيسمعني عائلات وأطفال.

واختتم شاكوش: بتقول الراب كمان هينتهي، طب لما الشعبي والراب هينام مين هيبقى موجود؟ أمال مين هيرقص الناس، إحنا لازم نحترم بعضينا ونقدر بعضينا ونخاف على مشاعر بعض، أنا راجل بغني وفي سوق ووسط النجوم فلازم أكون عارف ده بيغني ايه وبيعمل إيه، عيب إنك تقول عصام صاصا ومش عارف بيغني إيه عصام صاصا؟ بيغني هيندي؟ ربنا يهدي الجميع.

موضوعات متعلقة