أحمد مراد: عاشرت ناس مصابة بالبارانويا منهم 2 انتحروا

حل الكاتب الكبير أحمد مراد ضيفا في برنامج " معكم " ، مع الإعلامية مني الشاذلي ، علي قنوات on ، الذي تقدمه الإعلامية مني الشاذلي .

وخلال لقائه روي الكاتب أحمد مراد تفاصيل كتابه " أبو الهول " ، قائلا : " الكتاب حقق نجاحا كبيرا والطبعة خلصت في 24 ساعة ، الفضل الكبير للقارئ لوً مفيش قارئ مكنش ده حصل ، وأنا بدين للناس جدًا أنهم بيقرأوا ليا ، وبعتبر نفسي محظوظ ، وده بيطمني أننا طول ما بنقرأ أحنا في مكان تاني خالص " .

وتابع مراد حديثه حيث قال : " أنا عملت بحث كتير جدًا لأن ده كان زمن من 150 سنة ، وأحنا منعرفش عنه حاجه ، وكل حاجة أتغيرت في القاهرة ، وكان بدأ يحصل أختراعات لحاجات كتير كانت علي الحافة ، والبحث كان مرعب كنت ممكن أغطس فيه ومخرجش " .

وأضاف مراد " أنا كنت بتخيل وبشوف الصورة في خيالي وبحس بالإضاءة وكل حاجة ، وبعد كده بنفذه في الكتابة ، يعني بشوفها كأنها فيلمً وبعد كده بكتبه .

وأستكمل كلامه " أنا أصلا كنت مصور ومتربي في أستوديو تصوير ، ولما بتدخل واحدة رفيعة أوي ، أوً تخينة أوي ، بيكون لكل حالة طريقة تصوير معينة ، ولما تيجي تصور حد خليه يقول حرف السين علشان يطلع في الصورة مبتسم .

وتابع أحمد مراد كلامه " عاشرت ناس مصابة بالبارونيا ، يمكن ٥ حالات منهم اتنين أنتحروا ، فكان حد منهم يطلب شاي من والدتي ولما تجبهوله كان ممكن يرميه من البلكونة ، وكان بيبقي فاكر أن في شك فيه ، فأنا من خلال الكتاب بحاول أعمل وعي بالمرض العقلي ، زي الأفلام والسينما بتنور الطريق أحيانا وبتوصل وعي بالأمراض النفسية ، لأن الشخص ممكن يؤذي نفسه " .