النهار
الخميس 24 أبريل 2025 08:06 مـ 26 شوال 1446 هـ
جريدة النهار المصرية رئيس مجلس الإدارة ورئيس التحريرأسامة شرشر
وزارة التعليم تواصل إتاحة نماذج الاسترشادية لامتحانات الثانوية العامة 2025...وحل النماذج يوميًا على قناة ”مدرستنا٣” «جميعة» يفاجئ مستشفى فاقوس المركزي بعد منتصف الليل ويتابع الخدمة وأعمال التطوير بها محاكاة خطة طوارئ.. «صحة كفر الشيخ» تنفذ إخلاءً تجريبيًا لمرضى مستشفى الصدر ”مشوار الألف الذهبية يبدأ بخطوة”.. حملة لتنظيم الأسرة والصحة الإنجابية بالبحيرة.. السبت الأشموني.. يعتمد جدول إمتحانات الفصل الدراسي الثاني للعام الدراسي 2024 / 2025 م بمدارس الشرقية جوش جيلبرت:رغم تراجع الدولار... الذهب والأصول العالمية ترتفع كاسبرسكي تحذر من تطوّر الذكاء الاصطناعي في هجمات التصيد الاحتيالي الصين : لا يزال موقفنا ثابتًا ..ولم تُجرَ أي مفاوضات اقتصادية وتجارية بين بكين وواشنطن الفنان المغربي عبدالسلام الخلوفي يصدر كتاب ”صنعات وحكايات” من الموسيقى الأندلسية المغربية خلال مشاركته فى قمة ”الآلات يمكنها أن ترى” بدبى.. وزير الاتصالات يعقد مباحثات مع مسؤولى بنوك وشركات عالمية عبد الحميد رواش يعود بشركة جولدن كلاود فيلمز للسوق المصري رئيس جامعة حلوان يهنئ الرئيس السيسي: «عيد تحرير سيناء» يسطر تاريخ أمة لا تُنسى

فن

مصطفى كامل: عمرو دياب وحماقي بيكلموني عشان نشتغل سوا وأنا معنديش نفس أكتب

مصطفى كامل
مصطفى كامل

كشف الفنان مصطفى كامل نقيب المهن الموسيقية، أسباب ابتعاده عن تأليف الأغاني خلال الفترة الماضية، بجانب رأيه في بعض الفنانين ودور النقابة في المصنفات.

وتحدث مصطفى كامل خلال تصريحات تليفزيونية عن دوره كنقيب في التدخل بالمحتوى الذي يقدمه في الأغاني، قائلًا: النقابات لما اتعملت كان ليها هدف وغرض معين هو الاعتناء بأبناء المهنة على ظروف حياتهم، إنت مش رقيب عليهم إنت عندك حاجة اسمها الإدارة العامة للرقابة على المصنفات تابعة لوزارة الثقافة للدولة أنا مليش رقابة على ده قنونيًا معنديش ده.

خلاف علي الحجار ومدحت صالح

وعن عدم تدخله في خلاف الفنان علي الحجار والفنان مدحت صالح، رد كامل: أنا هقول لمين متعملش مش هينفع أضعف نفسي كرقابة وأقل من قيمة الرقابة ومن قيمة نفسي، وأنا أصلا مش مقتنع إني اتدخل في الخلاف ده، لأنه جهات الدولة هي اللي بتتحكم في ده وفي حاجة اسمها المحكمة الاقتصادية.

وردًا على سؤال حول ابتعاده عن تأليف الأغاني الفترة الماضية، أكد مصطفى كامل: محمد حماقي كان هنا بنشوف هنعمل إيه وعمرو دياب قعدنا واختارنا أغنيتين وعايزين نشتغل، ونصر محروس وحمادة هلال ومحمد فؤاد وإيهاب توفيق بيكلموني على طول أنا اللي معنديش نفس أكتب أغاني.

وأردف كامل: أنا بعمل تحديث لنفسي طول الوقت، جيل الشعراء افتقدوا حاجة أنا بعيشها دلوقتي يعني أنا في حفلاتي بحتك بالجمهور.

رأي مصطفى كامل في بعض الفنانين

وعن رأيه في الفنان هاني شاكر، قال مصطفى كامل: مشوار عمر صفحة من أهم صفحات مشوار مصطفى كامل لو افترضنا إن أنا كتاب صغير أو كشكول هاني شاكر من أهم صفحاته، وعمرو دياب هو الوحيد اللي عارف هو عايز ايه.

وتابع: محمد منير العقل الجميل اللي كل ما أقعد معاه أحس إن الفنان لازم يكون مثقف، ومحمد فؤاد أنتيم كل حاجة سواء النجاح أو الرخامة أكتر شخص رخمنا على بعض في الحياة، مرة اختلافنا فترة وطلع هو مضايق، وأنا مضايق في مكتبي وفي حد كل ما ييجي مكتبي يقولي خلي بالك فؤاد بيعمل ألبوم هيكسر الدنيا فأنا أضايق إنه هيعمل حاجة تكسر الدنيا وإحنا كنا بنعاند في بعض بالوقت ده.

وتابع مصطفى كامل: أنا كنت في فترة خلافي مع محمد فؤاد كنت بقدم مطرب جديد أنا مقتنع بيه اسمه بهاء سلطان كنت قاعد بديله حياتي كلها وعايز أنجح بيه.

وعن رأيه في مطرب الراب ويجز، أوضح: أنا مش في دماغي الراب مش قادر أحبه مش قادر أفهمه بس مش ويجز نفسه أنا مش عارف أفهم علشان أحب الراب بس الواقع بيقول إن ويجز راجل سوبر ستار.