خالد مرتجي: كهربا مكنش يقدر يدفع الغرامة من غير الأهلي.. والنادي فاتح دراعه لـ حسام عاشور
أزاح خالد مرتجي أمين صندوق النادي الأهلي، الستار على أن الأحمر لم يصنع كوبري لانتقال أي لاعب من الزمالك أو أي فريق لفريقه.
وقال مرتجي في تصريحات تليفزيونية: صفقتا كهربا وإمام عاشور كانتا هامتين للأهلي لكن صفقة إمام كانت الأصعب والأكثر مفاجأة.
وأضاف: كهربا تعاقد مع الأهلي وهو لاعب حر ولم يكن هناك كوبري لانتقاله.
وأشار خالد مرتجي خلال تصريحاته: لولا النادي الأهلي كهربا مكنش يقدر يدفع الغرامة.. ووقفنا معاه لأنه ضحى للنادي الأهلي.
وأردف: حسام عاشور ابن من أبناء الأهلي ولو جه النادي الأهلي فـ الاهلي هيبقا فاتحله دراعه، وفي ناس لو غلطت وطلعت اعتذرت فـ الموضوع بيخلص.
واستطرد مرتجي في تصريحاته: الحضري باللي عمله في الأهلي يبقا مينفعش يرجع للأهلي من جديد ومش زيه زي عاشور.
وأكد: كنت أتمنى أن يكون شريف إكرامي مسؤولًا في الأهلي ويستمر لكن دلوقتي الموضوع بقا صعب.
وعن صلح الشحات والشيبي، قال: اللي عمل دا مفيش حد قدر يعمله، وبشكر اللي عمل كدة.
وأتم خالد مرتجي تصريحاته قائلًا: جوزيه تاريخ النادي الأهلي وكولر ماشي على خُطى جوزيه لأنه مخلص جدًا وعلاقته بالجمهور كبيرة ومخلياه ماشي بخُطى ثابتة وفي طريق جوزيه.