والد ياسمين صبري: لن أتحدث عن أبنائي بشكل سلبي رغم الخلاف بيننا
![ياسمين صبري ووالدها](https://media.alnaharegypt.com/img/23/07/29/998380.jpg)
قال الدكتور أشرف صبري والد الفنانة ياسمين صبري، أنه لن يتحدث عن أبنائه بشكل سلبي مرة أخرى بعد الحديث عن ابنته خلال أحد البرنامج رغم الخلافات والقطيعة التي حدثت بينهما.
وأضاف والد الفنانة ياسمين صبري، خلال تصريحات صحفية لـ "النهار": "مش هتكلم عن أولادي بشكل مش كويس تاني في أي مكان"، وبسؤاله هل شاهدت فيلم "البعبع"، بالسينمات الذي تشارك فيه ابنتك ياسمين صبري؟ قال :"مش عاوز اتكلم في الموضوع ده".
وفي وقت سابق خرج الدكتور أشرف صبري والد الفنانة ياسمين صبري، في تصريحات تلفزيونية وهاجمها بسبب زوجها من رجل الأعمال أحمد أبو هشيمة، كما تحدث عن فشلها خلال مرحلة الجامعة وسر فشلها في الحياة، وكشف عن تفاصيل زيجتها الأولى من طبيب عيون.
وقال والد ياسمين صبري، خلال لقائه مع برنامج "قعدة ستات"، مع الإعلامية مروة صبري، المذاع على شاشة "القاهرة اليوم": "والدة ياسمين مكنتش موجودة خالص ودائما يا في الكويت يا في إنجلترا، وكانت بتيجي أسبوعين في الشتاء وأسبوعين في الصيف".
وتابع أشرف حديثه عن ابنته ياسمين قائلا :"كنت أقعد أقرأ كتير في علم النفس علشان أتعلم اتعامل مع بنتي كويس وأدخل في حياتها حتى في حياتها الخاصة، فكنت دايما أقولها متخبيش عني حاجة لو بتحبي حد قوليلى وأنا هنصحك وإنتي اختاري وفي النهاية حرية الاختيار هتكون ليكي مش هجبرك على حاجه انتي مش بتحبيها".
وأضاف أشرف: "ياسمين وهي في الكلية كان ليها قصة حب مش مرتاح لها خالص، وكانت بتيجي تحكيلي وتعيط وتقولي أنا اعمل إيه أنا بحبه، وكنت بقول لها قوليله كذا وأعملي اللي أنتي شايفاه صح وأوعي تغلطي علشان محدش هيتحاسب على التصرفات غير الشخص نفسه".
وأختتم أشرف والد الفنانة ياسمين صبري: "أنا كنت لازم أسمع وأجي على نفسي كأب، علشان مفيش أم وكنت خايف بنتي ياسمين تروح مني، لأن حياتي مشحونة بعملي، وكنت قلقان إنها تتخطف في حتة ما بقاش مرتاح لها وكنت بنصحها بشكل مستمر وبعلمها كل حاجه في الدنيا وبطمنها".