النهار
الأربعاء 2 أبريل 2025 06:06 صـ 4 شوال 1446 هـ
جريدة النهار المصرية رئيس مجلس الإدارة ورئيس التحريرأسامة شرشر
إدارة العلاج الحر بالمنوفية تواصل المرور على المستشفيات في ثاني أيام العيد عمرو رجب: شخصية حمادة سبرتو في ”الحلانجي” مختلفة عما قدمته سابقاً ختام عروض ” الكرة بملعبكم ” بنجاح منقطع النظير على مسرح الفجيرة د. وائل متولي يشارك نجوم الفن الاحتفال بنجاح ”بنات همام” في حفل سحور رمضاني بكاء مصطفى شعبان في ”واحد من الناس” بسبب شقيقه ميار الببلاوي تشكف سر في غُسل إيناس النجار حقيقة طلب سامح حسين إلغاء الاجازات الرسمية.. الفنان يجيب - ”الكابتن” يتصدر الأعلى مشاهدة ضمن المسلسلات الكوميدي على Watch It ياسمين حسين لـ ” النهار ” : زيارة المناطق الأثرية في الأعياد فرصة لزيادة الوعي ومعرفة الحضارة المصرية د. كرستينا عادل فتحي لـ ” النهار ” : الأعياد فرصة لزيارة المعالم الأثرية للمصريين د. ريم فوزي لـ”النهار”: انتعاشة في سوق السياحية بالعيد ومصر جاذبة للاستثمار بسبب الاستقرار والأمن بصحبة أشقائه الثلاثة.. ضبط صاحب كافيتريا في مقتل تاجر حمير بالغربية بسبب مراجيح العيد

توك شو

ليلى طاهر بعد شائعة وفاتها: الفن كان واخدني من حياتي الأسرية.. وبقضي وقتي مع الكلاب

ليلي
ليلي

علقت الفنانة ليلى طاهر، على شائعة وفاتها والتي انشترت صباح اليوم على مواقع التواصل الاجتماعي، مما أثار قلق محبيها.

وتابعت ليلى طاهر خلال مداخلة هاتفية لبرنامج “ملفات” الذي تقدمه الإعلامية أميرة بدر على شاشة “هي”: أنا سعيدة بالخبر ده، لأ سعيدة علشان بحس بحبكوا ليا، لما يمكن قصدوا إنهم يزعلوني لكنهم أسعدوني، وأنا مش فاهمة جابوا الخبر ده ومش أول مرة، وكل شهر بيكتبوا الخبر، وهما مش لاقيين حاجة يكتبوها، فلسوا مفيش أخبار ولا صحافة ولا أي حاجة، وده مقصود مش خبر يتهيألوهم إنه صح لأ، اتكتبت بالنسبة لـ فنانين وفنانات كتير، وأتكرر بشكل كبير، وطلعت كلها أكاذيب وإشاعات.

واستكملت ليلى طاهر حديثها: والمقصود مش توصيل المعلومة، وقاصدين يوصلوا المعلومة الكاذبة ليه بقى أنا مش عارفة، أنا بحب الفن بكل صور، تلاقيني في وقتي الفاضي كله بتفرج على التلفزيون بشوف المسلسلات والوجوه الجديدة، والأعمال الفنية الحلوة بسعيدة إن الفن المصري بيرجع لأصله تاني، لأنه مر بوعكة بسبب الظروف اللي حصلت في البلد، بقوم الصبح أقرأ الأخبار في الموبايل، وأشوف الرسائل وأرد عليها، وبعدين أقوم أمشي في الجنينة وألعب مع الكلاب شوية، وأشوف لو ورايا حاجة أعملها ورايا زيارة مهمة، أروح النادي، حياة أسرية الفن كان واخدني منها شوية.

وأما عن عودتها للفن مرة أخرى، فقالت ليلى طاهر عن اعتزالها: مينفعش أرجع دلوقتي لـ الفن، وكان نفسي ومنى عيني أستمر في الفن لأخر يوم في عمري، والتوقف اللي حصل خلاني أتوقف، ومجاش ليا دور حلو لغاية دلوقتي، وأتعرض عليا أدوار مش بنفس المستوي، وأرجع بحاجة قوية جدًا يا بلاش، واللي أنا عملته مبسوطة وأفتخر به.

واختتمت ليلى طاهر حديثها: بحب أتفرج على كل الفنانين لإن في ناس جديدة وناس قديمة كبروا وبقى عتاولة، ومقدرش أقولك مين، ونفسي الفن السينمائي يرجع كما كان.

برنامج “ملفات” تقدمه الإعلامية أميرة بدر على شاشة “هي”، وتستضيف خلاله عددًا من نجوم الفن، وتناقش قضايا مختلفة، يوميًا من الأحد إلى الأربعاء، في تمام الساعة الثامنة مساءً.