سيد الطيب : خرجت من الوسط الفني عشان عيالي ياكلوا ويشربوا كويس .. واللي بياخدوا حقهم هما نجوم الصف الاول

تحدث الفنان سيد الطيب عن سبب خروجه من الوسط الفني واتجاهه لمشاريع المقاولات قائلا :' لقيت زمايل ليت احسن مني واشتغلوا قبل مني بكتير وناس كويسة ومعاه روشتة مش قادر يجيب العلاج بتاعها، انا معايا ست اطفال ولقيت أن مينفعش الأنانية تاخدني وان أنا عشان احقق ذاتي وابقي ممثل كبير ومشهور والعيال متترباش كويس ولادي مذنبهمش حاجه لازم يسكنوا في حته كويسة ولازم يركبوا عربية كويسة، لازم يكون عندهم شاليه كويس ولادي لازم يلبسوا كويس وياكلوا كويس يعيشوا كويس وأمنلهم مستقبلهم

واضاف خلال حواره مع الإعلامية انجي هشام في برنامج المنسي :' مينفعش كل ده من خلال الفن، الفن مبيديش واللي بياخدوا التورتاية مجموعة هما اللي القنوات بتطلبهم والموزع بيطلبهم لكن الناس اللي تحت مبياخدوش حقهم، محدش بياخد الاجر اللي يعيشه وبيبقي في إجحاف.

وكشف عن موقف حدث له بسبب الأجر قائلا :' مرة اختلفت مع مدير انتاج على الأجر قالي أنا ببيع بالفخراني مش ببيع بيك قلتلوا روح للفخراني خليه يصور مع احترامي ليه.

برنامج " المنسي" هو برنامج على قناة " هي" تقديم الإعلامية انجي هشام، ويذاع يومي السبت والأحد في تمام الساعة العاشرة مساءا ويستضيف عددا من نجوم الفن والإعلامين الذي غابت عنهم أضواء الشهرة والنجومية.