النهار
الأربعاء 23 أبريل 2025 01:12 مـ 25 شوال 1446 هـ
جريدة النهار المصرية رئيس مجلس الإدارة ورئيس التحريرأسامة شرشر
ميناء الأسكندرية يستقبل أكبر سفينة حاويات في تاريخه بحمولة كلية 155 ألف طن محافظ الدقهلية يعلن انطلاق خطوات تطوير حديقتي الحيوان وشجرة الدر بالمنصورة بالتعاون مع الإنتاج الحربي الأكاديمية العربية وحرس الحدود السعودي يوقعان اتفاقية تعاون مشترك أسامة ربيع يشهد تدشين القاطرتين عزم 1” و”عزم 2” بمصنع مصر للقاطرات ضمن جهود توطين صناعة الوحدات البحرية «علوم الرياضة» للبنات بجامعة الأزهر تفوز بالمركز الأول في مسابقة «الرياضة أمن قومي» رئيس البورصة يشارك في الجلسة الافتتاحية لمنتدى الاستثمار والأعمال المصري الكويتي برشلونة بالصدارة.. ترتيب جدول الدوري الإسباني قبل مباراة خيتافي وريال مدريد موعد مباراة الإنتر أمام ميلان في كأس إيطاليا محافظ المنوفية يعتمد جداول امتحانات الفصل الدراسي الثاني ويوجه بجاهزية غرف العمليات محافظ المنوفية يلتقي عددًا من الحالات الإنسانية وصرف مساعدات مالية عاجلة ومواد غذائية رئيس جامعة القاهرة يشهد العرض المسرحي ”حاجة تخوّف” ويشيد بالفن الهادف ودوره في بناء الوعي المجتمعي رئيس جامعة المنوفية يشارك فى قمة ”QS” كيو إس للتعليم العالى

فن

ياسمين عز عن واقعة مطالبة شاب لخطيبته بتكلفة الهدايا بعد انفصالهما: الراجل بيفسخ ويصلي ركعتين شكر

ياسمين عز
ياسمين عز

علقت الإعلامية ياسمين عز، واقعة مطالبة شاب لخطيبته بتكلفة قائمة الهدايا والخروجات خلال فترة خطبتهما، بعد انفصالهما، عقب تداول قائمة الهدايا والخروجات وأسعارهما بين رواد التواصل الاجتماعي، ما أثار ضجة كبيرة.

وعلقت ياسمين عز خلال برنامجها على القصة، قائلة: "الناس بقى لها كام يوم بتتكلم عن ورقة، لا يعلمون مصدرها ومدى صحتها ولا حقيقتها، ولا هي مفبركة أو لا، ولا حاولوا يعرفوا ومعظم البنات بتكتب خطب عنها علشان الورقة دي على حد فهمهم بتقلل من الرجل وتقلل من كرمه وأخلاقه، وأنا باقول لك لا، لا الورقة ولا عشرة غيرها تقدر تنال من الرجل أو تقلل من احترامه".

وأضافت: "لو الورقة دي فيها حاجة ضد البنات كان اتعمل لها حذف وإلغاء من السوشيال ميديا، ولكن علشان راجل انتشرت، مبدأيا كده إيه اللي يثبت إن الورقة حقيقية، وهل في احتمالية يكون مصدرها واحدة ست عاوزة تشوه من سمعته".

وتابعت: "الفرعون منبع الكرم واللي بنى الهرم ومصدر العطاء والحنان، مستحيل يطلب من واحدة 20 جنيه في لعبة العربيات المتصادمة دي عمرها ما كانت أخلاق الفرعون، رابعًا نفترض إن الورقة حقيقية، طيب ما ممكن يكون الراجل من حقه يسترد الشبكة والهدايا اللي جابها، والمفروض البنت وأهلها من نفسهم يرجعوا الحاجات، لأنه جايب الهدايا دي للبنت اللي هيتجوزها، فهل اتجوزها لا، يبقى نرجع له حاجته، كنت باسمع من ناس في أهل التخصص إن الراجل في فترة الخطوبة يباخد شبكته والهدايا وبعد كتب الكتاب الموضوع بالنص وبعد الدخلة ما يخدش حاجة".

واستطردت ياسمين عز: "الراجل لما خطوبته تتفسخ مش بيدور على شبكة وهدايا لكن بيدور على سجادة صلاة يصلي عليها ركعتين شكر لإن ربنا خلصوا من الموضوع وخرج منها على سلام، فأرجوكم بلاش نشير حاجات مش متأكدين منها علشان نسوء صورة الناس على الباطل".

واختتمت حديثها في هذا الشأن قائلة: "بدال ما نفبرك في ورق وقصص وحكايات، خلونا نغير من ثقافة الناس، وخلونا نلغي موضوع الهدايا ده أساسا، خاصة إحنا بنعاني من أزمة اقتصادية، فبدال ما خطيبك يجيب لك بابا نويل في رأس السنة خليه يجيب لك مترين قماش قطيفة علشان الصالون، وبدال ما خطيب بنتك يجيب علبة كحك، قولي له ادفعهم في ديب فريزر، لأن العريس الغلبان فلوسه بتروح في خروجات وهدايا وبعدين تسألوا هو الخطوبة بتطول ليه، وفي الآخر تسيبوا الراجل".