درة تنهي خلافها مع حورية فرغلي.. سوء تفاهم ومفيش بينا حاجة خالص

حرصت الفنانة درة على إنهاء الخلاف بينها وبين الفنانة حورية فرغلي، وذلك خلال مداخلة هاتفية لها فى احدى البرامج .

حيث قالت درة: ساعات بيبقى فيه سوء تفاهم بين اتنين، وساعات فيه ناس ممكن توقع في النص، أو ممكن تعمل حاجة مش صح، فأنا متأكدة أن زي ما أنا قلبي طيب هي كمان قلبها طيب ومفيش بيننا حاجة خالص.

وتابعت: بالعكس، فيه كل احترام وكل حب أنا من زمان بتعجبني كممثلة، يمكن متعاملناش مع بعض كتير لكن أتمنلها كل السعادة والخير من قلبي، وأكيد إن شاء الله نتقابل ونعمل حاجة حلوة مع بعض.

تفاصيل خلاف درة مع حورية فرغلى:

وفي وقت سابق، كشفت الفنانة درة حقيقة تصريح حورية فرغلي، بتعمدها عدم وضع اسمها على افيش فيلم “مصور قتيل” وذلك خلال لقائها فى احدى البرامج التليفزيونية .

وقال درة: لا طبعًا، ربنا يوفقها وربنا يشفيها، والفيلم من زمان ودي مش حقيقة ولا تمت للحقيقة بصلة، وأنا معنديش السلطة دي، وحتى لما بعمل حاجات ببطولات مطلقة عمري ما عملت كده، وعندي أعمال كتير ونسائية زي سجن النسا، ومعنديش خلافات مع حد.

مسلسل الاجهر:

وتشارك الفنانة درة فى السباق الرمضانى المقبل 2023 بمسلسل الأجهر بطولة الفنان عمرو سعد بالاضافة الى نخبة كبيرة من النجوم أبرزهم سيد رجب، ناهد السباعي، سارة سلامة، خالد زكي، محمود قابيل، عمرو عبدالجليل، عارفة عبدالرسول، نور النبوي، أحمد مجدي، أحمد صفوت، محمد جمعة، مصطفى أبوسريع، ومن تأليف ورشة ملوك وإخراج ياسر سامي، وتدور أحداثه في إطار اجتماعي شعبي.