عمر السعيد: «كل ما أصحاب واحدة تقرفني في حياتي»

كشف الفنان عمر السعيد عن عدم ارتباطه حتى الآن، وما عاناه خلال ارتباطه الفترة الماضية.

وقال عمر السعيد، خلال لقائه فى احدى البرامج : "كل ما أصحاب واحدة تقرفني في حياتي، كمية زن، يا إما عايزة تمشي رأيها عليا، ده منظر واحد تمشي رأيها عليه أوقات كتير مش ببقى عايز وجع دماغ، وأنا برج العذراء ويمكن بندقق في كل حاجة بزيادة".

وأضاف عمر السعيد: "أغلب أصحابي يا إما متجوزوش يا إما اتجوزوا واتطلقوا وبيتخانقوا في المحاكم، بس نفسي أجيب بيبي أكيد".

أما عن مشاركته فى مسلسل "أزمة منتصف العمر" خلال الفترة الماضية، عن مشاهد الضرب التي قام بأدائها خلال المسلسل: "الضرب حقيقي أنا كنت عايز مضربش بجد لكن كريم العدل المخرج كان بيقولي ملكش دعوة ده لازم يبان الناس بتاخد بالها كنا عاوزين الموضوع يبان حقيقي، الناس كلها زعلانة مني إحنا بنمثل بس هما واخدين الموضوع جد".