منه فضالى تستغيث..مساعدتى اتخطفت ومش عارفة اتصرف

طلبت الفنانة منة فضالي، من متابعيها عبر موقع التواصل الاجتماعي فيسبوك، طالبت فيه من جمهورها مساعدتها، بعد اختفاء المساعدة الخاصة بها، موضحة أنها تعرضت للاختطاف.

وكتبت منة فضالي: «صباح الخير عليكم جميعًا أنا للأسف في موقف مش عارفة أتصرف فيه المساعدة بتاعتي اختفت وهي جايالي على التصوير من أول إمبارح، وكل ده أهلها بيدوروا عليها في المستشفيات والأقسام».

وتابعت: «آخر حاجة كانت راكبة أوبر، وكانت جايالي على المدينة بعديها تليفونها اتقفل ومن الساعة ٦ المغرب واتفتحت دقيقة الساعه ١٢ بالليل معرفناش نعمل حاجة، واستنينا يعدي ٢٤ ساعة علشان نعمل محضر».

وأضافت: «بعض المستشفيات هي مش موجودة فيها والواضح إنها اتخطفت وحقيقي أنا مش عارفة أعمل حاجة، ودي أول مرة معرفش أتصرف، فاللي يقدر يساعدني يبقى كتر خيره».

وأكملت: «هي ساكنة في الزاوية وللأسف معنديش تفاصيل.. لا رقم العربية الأوبر لأنها كانت مش ظاهرة ولا أي حاجة.. رجاء اللي يقدر يعمل حاجة يبقي كتر خيره».

وتشارك الفنانة منه فضالى بمسلسل العمدة خلال الموسم الرمضانى المقبل بطولة الفنان محمد رمضان ايمان العاصى مى كساب فريدة سيف النصراحمد داش اخراج محمد سامى.