حطيناه في 3 أشولة وحرقنا راسه .. نص اعترافات المتهمين بقتل عشيق والدتهما بمنشأة ناصر| خاص

حصلت "جريدة النهار المصرية"، على نص التحقيقات مع الشقيقان "صلاح.م"، و"رمضان.م"، على خلفية اتهامهما بإنهاء حياة عشيق والدتهما وتقطيع جسده لعدة أجزاء وحرقها داخل منزله في منشأة ناصر.

وننشر نص اعترافات المتهم "صلاح"، أمام جهات التحقيق، والذي أكد أنه أنهى حياة صديقه بالاشتراك مع شقيقه بعد علمهما أنه على علاقة غير شرعية مع والدتهما.

وإلى نص التحقيقات:

س/ ما تفصيلات اعترافاتك؟

ج/ اللي حصل أنا شغال بعمل فرش تنضيف ومتجوز وعايش في نفس العمارة مع أمي واخويا رمضان ورشا واخويا انور ومعانا عرفة في نفس العمارة، وأنا وعرفة ورمضان صحاب وكنا بنسهر كل شوية سوا عند عرفة ونهزر ونضحك وأمي كانت معتبرة عرفة واحد من العيلة لأنه كان عايش لوحده وبلدياتنا وشغال قهوجي وأمي ساعات تطلعله الأكل في الورشة وهو كان بيشيل معاها فلوس.

س/ وما الذي حدث إبان ذلك؟

ج/ أمي تعبت فجأة وقالتلي عايزة كل شهر إبرة بألف جنيه وبعد كدة هتبقى بـ5 آلاف جنيه عشان عندها نزيف في الرحم، وقالتلي الإبر لو مخدتهاش هعمل عملية ولما سألتها إيه السبب قالتلي عرفة السبب، وأنا تعبت نفسيًا من الخبر وكنت متأثر جدا ومش عارف أعمل إيه وقعدت أكلم صورة أبويا واقوله أنا عاوز أجيلك لأن اللي حصل كان كبير.

س/ وكيف تم التخطيط للواقعة؟

ج/ رمضان أخويا كان قاعد معايا ومش عارفين نعمل إيه لحد ما فكرنا أننا نقتله ونقطعه ونحطه في شوال ونرميه واخترنا اليوم اللي ننفذ فيه وعملت تعبان وطلبت أشوف عرفة ولما طلع قلتله أنا عاوز أشرب حشيش ونزل جاب سيجارة ولفها وأنا كنت عاوز اخليه متطمن عشان ميشكش فينا لحد ما هو قال سامحوني أنا عملت علاقة مع امكم، ولما قال كدة قلناله تعالى على شقتك عشان مينفعش الكلام هنا.

س/ وما الذي حدث في أعقاب ذلك؟

ج/ أول ما دخلنا الشقة أنا ورمضان روحنا على الحمام وانا مسكت الشومة ورمضان مسك الحديد وضربناه على رجليه عشان نعجزه لحد ما الشومة اتكسرت وأنا بقيت أمسك أي حاجة واضربه بيها عشان اعجزه، وكنا ناويين نقتله لما أخونا الكبير يجي عشان يعرف أننا رجالة لكن روحه طلعت قبل ما أخونا ييجي، وبعدها روحت شقتي سألت مراتي وأختي هو عمل معاكم حاجة قالولي لأ.

س/ وكيف تخلصتم من الجثة؟

ج/ إحنا روحنا شقته وأنا قولت لرمضان انا هقطع الرأس والعضو الذكري وأنت كمل باقي الجسم، وفعلا قطعت العضو لكن مقدرتش أقطع الرأس ورمضان هو اللي كملها وقطع باقي الجسم وأنا كنت بمسكله وجيت أنا أقطع معصم ايده عشان خانه اخويا قالي خليه حتة واحدة، وعبينا الايدين والرجلين في 3 أشولة وباقي الجسم في 3 فوامات، والعضو الذكري في شوال واحد، ورميناهم وخلينا أنور أخونا يجيب تنر تاني يوم وولعنا في الدماغ وبعد كدة رميناها في الزبالة مع باقي الجسم وتاني يوم فكرنا ندهن الاوضة عشان الدم اللي على الحيطة وخليت مراتي وأختي يجيبوا دهان وبعدها امي كلمتني وقالتلي أنا هعمل عملية كحت وعرفت أنها كانت حامل من عرفة.

س/ وهل تتعاطى أي عقاقير مخدرة؟

ج/ أيوا أنا بشرب حشيش وآيس.

س/ وما هي طبيعة سلوك المتوفي؟

ج/ اللي أعرفه أنه شغال في قهوة ولما بيرجع بدري ممكن يساعدني في شغلي وبعدها بيتعشى عند أمي وبيسهر معايا أنا ورمضان في بيته.

س/ وما هي طبيعة العلاقة بينك وبين المتوفي؟

ج/ إحنا صحاب وبنسهر مع بعض وبنشرب مخدرات.

س/ هل توجد علاقة بين والدتك والمتوفي؟

ج/ أيوا هي قالتلي أن عندها نزيف في الرحم ولما سألتها عن السبب قالت عرفة السبب.

س/ وما الذي كنت تفكر فيه أنت وشقيقك في هذا الوقت؟

ج/ أنا نفسيتي تعبت جامد وكل شوية اقول أنا رايح لأبويا الله يرحمه.

س/ وهل دار بينك وبين المجني عليه حوار آنذاك؟

ج/ آه هو قالي إن الحمل ده بسبب وأنه مكسوف مني وقالي سامحني.

س/ وهل حاول المجني عليه المقاومة آنذاك؟

ج/ لا هو مقدرش بس قالنا حرام عليكم أنا كنت عاوز اريح ضميري واقولكم الصراحة، وفي الآخر قالنا موتوني وريحوني.

س/ وهل أثر ذلك على عزيمتكم في التراجع عن إزهاق روحه؟

ج/ لا احنا كملنا عليه ضرب ومسكنا ريسيفر وكوبايات وكسرناها عليها وأنا حدفته ببوتجاز صغير.

س/ متى اكتشفت إزهاق روح المجني عليه؟

ج/ أنا لقيت رمضان بيقولي شكله مات وبعدها جريت أجيب برفان من عندي عشان أفوقه لقيته ميت.

س/ وما الأفعال التي باشرتموها آنذاك؟

ج/ دخلنا بالكزالك وقولت لمراتي أنها تغسلها لكنها خافت وأختي هي اللي غسلتها في الآخر وهي خايفة بس انا ضغطت عليها، وبعدها غيرنا هدومنا اللي مليانة دم وطلبت من مراتي أكل وأكلنا.

س/ وما التصرف الذي صدر منكم آنذاك؟

ج/ إحنا شربنا مخدرات كتير وأنا كنت متعصب جامد ورمضان فضل يضرب دماغه في الحيطة.