بالفيديو.. ريهام سعيد لـ ”الجندى”: ”هرفع عليك قضية”

استنكرت الإعلامية ريهام سعيد، الهجوم الذى شنه الشيخ خالد الجندى، ووصفه لها بفتاة "الشازلونج"، وإنها راقصة، قائلة: "هو بيقول عليا فتاة الشازلونج عشان مرفعش عليه قضية، بس أنا هرفع عليك قضية، لأن إبنى إتأذى منك، وأنت أب وأكيد فاهم". 

وأضافت سعيد، خلال برنامج "صبايا الخير" المذاع عبر فضائية "النهار"، "أنا لا شايفة رقاصات، ولا شيوخ، إذا كان الشيوخ عندنا بيتكلموا على بنات الناس ويقذفوهم ويشتموهم"، متابعة مخاطبة "الجندى"، "ليه بتتكلم عنى على إنك أحسن منى، وأنت عرفت منين.. طلعت لربنا، وإزاى رجل دين يقول أنه أحسن من حد، فى شيخ يقول على واحدة ست فى التليفزيون راقصة، لما أسمعك كده أحب الدين إزاى". 

وتابعت: "أنا مقدرش أقول على حد داعر، ولا قواد، لأن دى مش أخلاقي لأني مسلمة، بس هقولك الله يسامحك ويغفر لك ويهديك".