«لاعب بيدير الزمالك».. هجوم غاضب من إبراهيم على شيكابالا بعد رحيل جروس

شن إبراهيم سعيد، نجم الكرة المصرية السابق، هجومًا غاضبًا على محمود عبدالرازق شيكابالا نجم الزمالك، بعد أنباء رحيل كريستيان جروس المدير الفني للفارس الأبيض بسبب مشكلة مع اللاعب.

وقال إبراهيم سعيد خلال حديثه ببرنامجه المذاع على شاشة «النهار»: «هل شيكابالا هو اللي بيتحكم في نادي الزمالك، دي تبقى كارثة، وعشان جروس مش بيلاعبه أو مش عايزه يعمل عليه حملة إعلامية عشان يطيح بيه».

وأضاف: «السؤال هنا، لو بيسيرو المدير الفني الجديد ملاعبهوش هل هيمشي بردو؟، شيكابالا لا يضيف شيء للزمالك في الفترة الأخيرة ومستوى قل».

وأكمل: «مينفعش نادي كبير يسمع للاعب حتى لو اللاعب محبوب من الجماهير، هل الزمالك وصل لـ مرحلة إن لعيب بيتحكم في نادي الزمالك والمنظومة بالكامل، الكلام ده مستحيل ومش ممكن، وأي مدير فني مش هيبقى عايزه في الفريق».