النهار
السبت 5 أبريل 2025 01:22 صـ 6 شوال 1446 هـ
جريدة النهار المصرية رئيس مجلس الإدارة ورئيس التحريرأسامة شرشر
غرق أثناء الإستحمام.. انتشال جثة شاب من مياه الرياح التوفيقي بكفر شكر سقوط 3 أشخاص بـ8 كيلو حشيش بشبرا الخيمة تحت رعاية وزارة الصحة.. انطلاق المؤتمر الدولي الثاني للسكتة الدماغية والقسطرة المخية في القاهرة غدا الأكبر في إفريقيا.. دراسة عن مشروع الضبعة النووية ودوره في تعزيز الطاقة ما تأثيرات توترات البحر الأحمر على قناة السويس والتجارة العالمية؟ «المصرية للاتصالات» تتعاون مع« Truecaller »لتحسين تجربة العملاء لمستخدميها مصدر قانوني: قانون الرياضة الجديد يخالف الميثاق الأولمبي هند صبري تعتذر لنضال الشافعي لهذا السبب ورثة عبد الحليم حافظ يحررون محضرًا ضد صاحب فيلا استغل اسم الراحل عرض أفلام الدورات السابقة من مهرجان الإسكندرية للفيلم القصير في مكتبة الإسكندرية..قبل انطلاق النسخة الحادية عشرة في دبي.. رنا سماحة تتعاون مع المخرج فادي الحداد والمنتج فهد الزاهد بأغنية ”الهونولولو” في دبي.. رنا سماحة تتعاون مع المخرج فادي الحداد والمنتج فهد الزاهد بأغنية ”الهونولولو”

رياضة

شوبير يهاجم لجنة المسابقات بسبب عقوبات الزمالك

أحمد شوبير
أحمد شوبير

هاجم الإعلامي أحمد شوبير، لجنة المسابقات برابطة الأندية المصري المحترفة، بسبب عقوبات مباراة الزمالك ومودرن سبورت في الدوري.

وقال شوبير في تصريحات إذاعية:" لجنة الأندية أعلنت عقوبات الجولة التاسعة من بطولة الدوري والدنيا طبعا مقلوبة عشان عامل غرفة ملابس، ولازم أقف هنا كثير، العامل خد غرامة 95 ألف جنيه وأنا أراهن لو أي حتة فيها دوري له نظام وانضباط ميحصلش اللي شفناه".

وتابع حارس مرمي الأهلي ومنتخب مصر الأسبق:" أنا بالنسبة لي كل الناس سواسية لكن في الملعب في مهام في مسميات ده مدير فني ده دكتور ده إداري، لكن عامل غرفة الملابس ليس له دور في الدنيا سوى تجهيز ملابس اللاعبين، عمري ما شفت مسؤول غرفة ملابس في فرقة أو منتخب بيخش ويعترض، ده مبيحصلش في أي حتة وبعدين أقول إيقافه 6 مباريات وغرامة 95 ألف جنيه، وتغريم الزمالك 200 ألف جنيه ومنع الجماهير اللي حضرت".

وواصل أحمد شوبير:" اللائحة بتقول 3 مباريات لكن اللي عرفته إنه تعدى بالضرب على الولد اللي بيجيب الكور، ده غير التعدي على الحكام بالسب والقذف، ازاي يا جماعة حط لوايح تحكم المسابقة عشان اللي حصل ده ما يحصلش، وطبعا العامل ده مش هيدفعها هيدفع منين، ونادي الزمالك أحاله للتحقيق بس معرفش أيه هي العقوبة كان نفسي الزمالك يعلن عقوبة عليه في رد فعل قوي".

وشدد نائب رئيس اتحاد الكرة الأسبق:" حاولت أكلم طه عزت رئيس لجنة المسابقات عشان يقول لي أيه القصة، ويقول لنا اللائحة بتقول أيه، الحقيقة الأمر مش لطيف وبنخرج عن النظام فمن أولى منحطش لوائح وخلاص، الأمر لا يتحمل الكلام الفارغ ده إحنا بلا ظبط ولا ربط".

وأتم أحمد شوبير تصريحاته قائلا:" أنت لا تحترم لوائحك اللي أنت وضعتها ووزعتها على كل الأندية يبقى محدش يزعل وبعدين أبقى خايف أعلن عقوبات على لاعيب أو مدرب وأيدي مرتعشة وعامل حساب الجمهور خايف متشتغلهاش متجيش ناحيتها طالما أنت مش قدها أمور غريبة جدا، ده صالح جمعة قال كلمة لحكم جوه ممر غرفة الملابس في العراق خد 6 شهور إيقاف".