«ملوش علاقة بالكورة».. نجم الأهلي السابق يكشف سر هجوم أحمد حسن على إمام عاشور

تحدث أحمد عادل نجم الأهلي السابق، عن سبب انتقاد أحمد حسن نجم الكرة المصرية السابق في تصريحات تليفزيونية، لـ إمام عاشور لاعب النادي الأهلي.

وقال أحمد عادل في تصريح تليفزيوني عبر شاشة «النهار»: «هجوم أحمد حسن على إمام عاشور ملهوش علاقة بالكورة، ومينفعش أحمد حسن كقيمة كبيرة يبقى بينزل تيشيرت 22 مع أبوتريكة ويقول ده غير».

وأضاف: «اللي بيعمله أحمد حسن مع إمام عاشور ده أمر شخصي ملهوش علاقة بالفني، لأنه حاسس إنه إمام عاشور الفتى المدلل في الأهلي».

وأكمل: «إمام عاشور لاعب كبير وعند إمكانيات عالية جدًا، ومينفعش أحمد حسن يشخصن الأمور معاه».

وأتم أحمد عادل تصريحاته قائلًا: «الأمر واضح جدًا إن أحمد حسن مبيحبش إمام عاشور، عشان موقف بينهم أحمد حسن طلب إمام عاشور ضيف معاه في البرنامج وإمام رفض».