«لاعب أهلي وزمالك».. تعليق مثير من فاروق جعفر على أداء أحمد قندوسي في الدوري

أزاح فاروق جعفر، نجم نادي الزمالك السابق، الستار عن مستوى الجزائري أحمد قندوسي، لاعب النادي الأهلي والمعار إلى سيراميكا كليوباترا، خلال هذا الموسم في الدوري المصري الممتاز.

وقال فاروق جعفر في تصريح تليفزيوني عبر شاشة «أون سبورت»: «القندوسي لاعب أهلي وزمالك، ولكن المدير الفني ليه درجة مع الخبراء الموجودين، ولازم يسمع ليهم وخاصة لو لعيب كويس زي قندوسي».

وأضاف: «طاهر محمد طاهر كان في اتفاق بالشارع المصري إنه مش هينفع النادي الأهلي، ولكن اللاعب تحدى الأمر الواقع وطور من نفسه، واشتغل على نفسه لحد ما بقى رقم واحد، بعد ما كان كولر عايز يستبعده».

وأكمل: «قندوسي لاعب مميز جدًا، أنا مش بدخل في اختيارات أندية أو مدربين، ولكن قندوسي بيدافع وبيهاجم كويس، وكل لمسة للكورة تلاقيه بيسجل أو بيصنع».

وأتم نجم الزمالك السابق تصريحاته قائلًا: «لو جينا نتكلم على اللعيبة رقم 10 صناع اللعب في الدوري المصري كلهم اتنين أو 3، هيبقى قندوسي منهم لازم».