”الحل في الوكالة”.. سارة عبد الرحمن تكشف ”سر إطلالة الريد كاربت”

أثارت الفنانة الشابة سارة عبد الرحمن تفاعلا كبيرا بشأن اختياراتها للملابس في المهرجانات والحفلات، وكشفت عن “حل بسيط” لجأت إليه بعد معاناتها من ضغط تنسيق ملابسها.

وقالت سارة عبد الرحمن في تصريحات صحفية: "أنا طول عمري بروح الوكالة، أو بسرق من أختي هدوم، أو بستلف من بنت خالتي، بتسلفني بصراحة، الوكالة مليانة حاجات مختلفة، وبالنسبة لي، ليه أجيب لبس جديد لما في لبس مستعمل، وبعدين لما بقيت اتعزم على مهرجانات بمنتهى الصراحة استفزيت من الضغط الغريب إن لازم طول الوقت ابقى لابسة بتكلف، فقولت طب أنا هلبس بقى على الريد كاربت من الوكالة".

أضافت: “حصل، والدنيا قامت مقعدتش، وقولت بكم، لأن كان بالنسبة لي الفكرة إن أبين إنه عادي، ودلوقتي بقى موضوع الوكالة دا فعلا عادي، فأنا سعيدة إني قدرت أشارك إن الناس تبقى أكتر بساطة ونشيل التكاليف، ومش هنضحك على بعض، بجد الوكالة فيها لُقط، ودلوقتي كل حد عايز يبقى شكله مختلف، عايز يبقى شكلك مختلف روح الوكالة، عادي”.

آخر أعمال سارة عبد الرحمن

يذكر أن سارة عبد الرحمن كانت قد شاركت في موسم رمضان الماضي في بطولة مسلسل “لحظة غضب” وقامت بدور العرافة.

وشارك فى بطولة مسلسل "لحظة غضب"، الكثير من نجوم الفن وذلك أمام النجمة صبا مبارك، محمد شاهين، على قاسم، ناردين فرج، سارة عبدالرحمن، ريم خوري، منة المصري.