النهار
الخميس 3 أبريل 2025 05:48 صـ 5 شوال 1446 هـ
جريدة النهار المصرية رئيس مجلس الإدارة ورئيس التحريرأسامة شرشر
هيئة تعليم الكبار بالمنوفية تنعي السيدة زبيدة الصعيدي أكبر حاصلة على شهادة محو الأمية محافظ القليوبية يتابع إزالة 3 حالات مخالفه على الأراضي الزراعية بطوخ السبت القادم ..انطلاق الحملة القومية الأولى للتحصين ضد مرض الحمى القلاعية مصرع شخص في حريق مزرعة مواشي بالخانكة مفتي الجمهورية يدين بأشد العبارات الاقتحام السافر للمسجد الأقصى.. ويؤكد: همجية صهيونية مرفوضة وانتهاك لقدسية المقدسات بهدف توريس برشلونة يقصي أتليتكو ويضرب موعدا مع مدريد في نهائي كأس إسبانيا عمر مرموش أفضل لاعب فى المباراة بالدوري الإنجليزي سام مرسي يشارك في فوز إبيسويتش تاون على بورنموث 2-1 فى الدورى الإنجليزي جوتا يقود الريدز للفوز بهدف وحيد فى الدوري الإنجليزي ما هي ضمانات نجاح فرض الرسوم الجمركية الجديدة التي تحدث عنها ترامب؟ برشلونة يتقدم على أتلتيكو بهدف فى الشوط الأول بنصف نهائى كأس ملك إسبانيا مانشستر سيتى يفوز على ليستر سيتي بثنائية مرموش وجريليتش بالدوري الإنجليزي

فن

إلهام عبد البديع تعلن عودتها للملحن وليد سامي: دار الإفتاء قالت طلقة واحدة لا تحسب

إلهام عبد البديع
إلهام عبد البديع

تحدثت الفنانة إلهام عبد البديع عن تفاصيل انفصالها عن زوجها الفنان وليد سامي، بعدما تصدرًا مواقع التواصل الاجتماعي خلال الأيام الماضية.

وقالت إلهام خلال لقائها مع الإعلامية مروة صبري، في برنامج قعدة ستات: اكتشفت إنه كتب وأنا مكنتش أعرف، كنت قاعدة بعمل حاجة ولقيت ناس كتير بتكلمني تقولي متزعليش، وأرقام كتير غريبة وصحفيين عايزين يعرفوا، وأنا مش فاهمة هو في إيه، لحد ما عرفت اتصدمت وقفلت التليفون شوية.

وأضافت: أول صحفي رديت عليه وسألني انتوا انفصلتوا قولتله آه، لأنه فعليا إحنا رايحين بكرة نخلص إجراءات الطلاق، وبعدها فوقت وقولت لا مش المفروض أرد على حد، أول مرة اتحط في الموقف دا مش عارفة أعمل إيه، وشايفة إن ده تصرف مينفعش منه، لإن إحنا اتفقنا إننا هنعلن في وقت معين، وهنعلن إحنا الاتنين، مش هو يعلن وأنا اتفاجئ.

واستكملت إلهام: اتطلقنا طلقة واحدة ودار الافتاء قالت مش محسوبة لأسباب كتير، وهو مسح البوست بعدها ربما يكون نزله وقت غضبه، بس أنا زعلانة إن الناس بتتكلم عليا، ومش بتتكلم في عمل فني يخصني، دول بيتكلموا في حياتي الشخصية، إحنا رجعنا خلاص وشكرا لكل الأصحاب القريبين اللي اتدخلوا.

وعن سبب الخلاف فيما بينهما الذي أدى إلى انفصالهما: ضغوط الحياة بينا والتراكمات خليتنا ناخد الخطوة دي، وكمان أنا متربتش في بيت في أب وأم، لأني كنت عايشة سنين طويلة مع جدتي، فمش عارفه أوي معنى الحياة، فطبيعي يبقي فيه تقصير، وفي بداية الزواج طلبت منه يراعي إني في حاجات معرفهاش وهتعلمها مع الوقت، فطبيعي يكون زهق شوية، مشاكل عادية مش زي ما الناس قالت إنه خاني أو أنا اكتشفت عنه حاجة والكلام دا.

وأختتمت: وكمان مش زي ما قالوا إن ده تريند عشان المسلسل، أنا بحب حياتي مستقرة ومش هخليها عرضة لحاجة زي كدا، وبالنسبة للمسلسل ممكن نعمل أي حاجة تانية تعمل تريند سواء أغنية أو أي عناصر تانية، مش هنلعب بحياتنا الشخصية.