جهود مكثفة للعثور علي طالبة تغيبت بعد خروجها من امتحان الشهادة الإعدادية ببورسعيد
![](https://media.alnaharegypt.com/img/24/05/24/1060148.jpg)
تغيبت الطالبة ملك أحمد متولي عقب آخر أيام الشهادة الإعدادية يوم 22 من شهر مايو الجاري في محافظة بورسعيد، وذلك في ظروف غامضة، عقب استقلالها سيارة تاكسي على حد المعلومات التي وصلت لأسرتها، وتداولت صفحات ومجموعات على مواقع التواصل الاجتماعي منشورات للبحث عن الطالبة.
وحررت أسرة طالبة الشهادة الإعدادية المتغيبة محضرا بقسم شرطة الضواحي، يحمل رقم 2172 إداري الضواحي، ومع بداية الواقعة انتظرت الأسرة حتى تعود الطالبة وبحثوا عنها في المستشفيات والأماكن المختلفة إلا أنها لم تعد.
وقالت أمها في تصريحاتها: ناس قالت شفناها في مستشفى، وحد قال في الحرفيين، وحد في القاهرة، وإحنا مش عارف الحقيقة فين.
وأضافت أن ابنتها في مدارس تجريبية ومتفوقة وحصلت في هذا الترم على 134 درجة من 140، موضحة أنها تحب الناس ولا تفارق الضحكة وجهها، معقبة: مفيش حاجة حصلت علشان تفارق البيت، أنا مش عارفه ملك بنتي فين مخطوفة ولا لاء..عايشة ولا ميتة.. كويسة ولا مش كويسة.
وأضافت أم ملك: أنا قريبة منها بصورة كبيرة ومعتقدش إنها مشيت علشان خايقة من النتيجة زي ما الناس بتقول، مؤكدة أنها طمأنتها وأن أي نتيجة ستكون مرضية للأسرة، كما أنها في مدرسة تجريبية وستقبلها بالثانوية العامة.
وأكملت: ملك مش ممكن تعمل كده دي بنتي، وانا عرفاها وأنا خايفة يكون حصلها حاجة، ومكلتش ولا شربت حاجة من ساعة ما مشيت ومرجتش.. ملك بتحب الحيوانات وبتمشي تأكلهم في الشارع ولما طلبت كلب جبتلها رغم البيت مش كبير، وحياتها في الكلب ده ومش ممكن تسيبه وتمشي أبدا، أنا مش قادرة اتخيل إن ملك سايبة كلبها من آخر يوم امتحانات، وعلشان كده حاسة إنها في خطر.
وكشفت أم ملك أن الأجهزة الأمنية تفرغ كاميرات المراقبة وتتبع تحركاتها من خلالها فرق ببورسعيد والقاهرة بالتواصل مع المحافظات الأخرى، وذلك من أجل العثور عليها، مشيدة بدور الأجهزة الأمنية في البحث عن ابنتها.
واختتمت حديثها قائلة: اللي في إيده حاجة يعملها بالله عليكم.. خلاص أنا حاسة إن لو عدت ليلة كمان هموت.