عنبة لأسرة ضحية عصام صاصا: مفيش فلوس في الدنيا تعوض ابنكم

علق الفنان عنبة، عبر خاصية الستوري على حسابه الرسمي بموقع “إنستجرام”، على أزمة مطرب المهرجانات الشعبية عصام صاصا، بسبب دهسه لشخص على الطريق الدائري.

ونشر “عنبة”، مقطع فيديو، مطالبًا فيه بالتوقف عن الهجوم الحاد على “صاصا”، قائلا: "إنا الله وإنا إليه راجعون أنا طالع بقدم خالص التعازي لأسرة ضحية حادث عصام صاصا، ربنا يرحمه وبصبركم أنا حاسس بيكم".

وتابع: “أنا بنت عمي توفت من أربع سنين وأكتر وهي في زهرة شبابها على طريق وهي بتعدي بردو والعربية خبطتها وجريت، وأنا عارف إن مفيش فلوس في الدنيا تعوض ابنكوا حاجة".

وأضاف: “سيبيكو من الكلام اللي بيتقال دي رسالتي لأهل الناس، أنا مش بلومكم في حاجه ربنا يصبركم الموقف صعب للطرفين أنتوا مدمرين نفسيا وهو مدمر نفسيا”.

وأردف: “هو مش ماشي بيدوس على الناس بفلوسه وبلاش حد يفهمكم حاجة عن الراجل اللي انتوا مش شايفين حالته بسبب الحادث ده إيه”.

واختتم عنبة، الفيديو، قائلا: “الناس على النت مهتمة باللي عمل الحادثة وعمالين يدبو فيه ومحدش مهتم حتى يدعي للراجل ده اسمه استغلال واسمه تريند أبوس إيدكم يا تعزوا الناس يا تخرسوا”.

آخر أعمال عنبة

ويعد مسلسل “عتبات البهجة” هو آخر أعمال عنبة الدرامية، وتم عرضه في الموسم الرمضاني الماضي 2024.

ومسلسل عتبات البهجة مقتبس عن رواية للكاتب الكبير إبراهيم عبد المجيد، وبجانب النجم الكبير يحيى الفخراني، يشارك في بطولته صلاح عبد الله، وسما إبراهيم، وجومانا مراد، ووفاء صادق، وقدم به مدحت العدل الرؤية التلفزيونية، ومن إنتاج جمال العدل، وإخراج مجدي أبو عميرة.