ميار الببلاوي تنهار من البكاء في بث مباشر بسبب ”أحد المشايخ”

خرجت الفنانة والمذيعة ميار الببلاوي، بمقطع فيديو مباشر عبر حسابها الرسمي بتطبيق "فيسبوك"، ظهرت فيه منهارة من البكاء بعد اتهامها من شيخ مشهور بالزنا، وكشفت لجمهورها تفاصيل ما حدث معها، موضحة أن هذا الشيخ قال في حقها ما ليس فيها بعد حلقتها مع الإعلامية بسمة وهبة في رمضان وحديثها عن عودتها لزوجها بعد طلاق 11 مرة.

وأوضحت ميار الببلاوي أنها بعد حلقتها مع الإعلامية بسمة وهبة في رمضان وحديثها اتهمها شيخ بالزنا وبزواج المحلل أكثر من مرة، وعرضت ميار قسيمة لكل زواج تزوجته، مؤكدة أنها لم تفعل أي شيء يغضب الله.

وقالت ميار الببلاوي في الفيديو: لو سمحتوا كرامة لرب العالمين، لو في يوم من الأيام ولو سمعتوا مني كلمة غيرت في حياة حد أو آية افتكروها ليا، وكل اللي طلباه منكم الدعاء، أنا سكت كتير لأني دايما أؤمن بحديث الرسول أميتوا الباطل بالسكوت عنه، لكن أنا تعبت وكل حاجة يقولوا علشان التريند بس أنا مش فارقة معايا التريند، وأنا عيانة بقالي 8 أيام ومش بقول أني عيانة ولا بتكلم علشان محدش يقول إني بتاجر بالعيا وزهقت من كلمة التريند بعد ما كنت بصور لكم كل حاجة ولما أعمل أي حاجة أقولها.

وأوضحت ميار الببلاوي أنها تقابلت مع شيخ مشهور وكشف لها أنه تحدث عنها وحينما سمعت الفيديو وحديثه عنها صعقت لما قاله، قائلة: النهارده حصل حاجة عمري ما تخيلتها، أول ما خلصت الهواء صاحبتي كان عندها حاجة في قناة معينة وما رضتش أسيبها لوحدها وقلت هروح معاها وأسلم عليها، وأنا داخلة أنا ورئيسة التحرير بتاعتي لقيت الشيخ الفاضل، وبحتسبه من الشيوخ الأجلاء ولكن سبحان الله يمكن نزغ شيطان أو فتنة أو حديث نفس.

وأضافت: ربنا بيقول يا أيها الذين آمنوا إن جاءكم فاسق بنبأ فتبينوا فما بالكم إن اللي قال عني كده شيخ جليل ويخوض في عرضي وشرفي رغم أن كلنا بنحبه وبنسمع كلامه، وأول ما شيخنا الجليل شافني وأنا كنت بحبه جدا وبتابعه وأقول نفسي يكون معايا في حلقة، وسلمت عليه وقالي إنتي جيالي علشان حطيتك على المرجيحة امبارح فقلت له مش فاهمة، فقال لي أصل إمبارح كنت جاي عليكي جامد، فرديت قلت له شرف ليا وأنت عمرك ما هتظلمني ونحسبك على خير، لقيته بيقول لي اللي أنتي قلتيه مع بسمة، لكن ما حدش فكر أنه معمول مونتاج علشان يطلع تريند ونص الكلام مقطوع.

وأشارت ميار الببلاوي إلى أن الشيخ اتهمها في عرضها موضحة: لما سمعت الفيديو لقيته بيقول عليا إني باخد كل راجل ليلتين وإني ببوظ شكل الدعا، حسبي الله ونعم الوكيل فيك زي ما اتكلمت في عرضي وشرفي وشرف ابني، حرام عليك سبت التمثيل وكل حاجة وبشتغل في برنامجي وبين صلاتي وبيتي وتربية ابني ومش عايشة ومش بخرج من بيتي إلا لو شغلي يعني دفن نفسي مع أمي.

ولفتت ميار الببلاوي إلى أن أزمتها بدأت بعد حلقتها في رمضان مع بسمة وهبة: المأساة بدأت من حلقة العرافة مع بسمة وهبة، وسيبكم من اللي حصل في الحلقة، لكن أي حد بيقول أي حاجة عادي بتعدي لكن ميار لو فتحت بقوها الناس كلها تسن عليها السكاكين ومحدش فكر أني ابني راجل وابني في وسط الرجالة وصحابوا وشغله شكله هيكون إيه، وابني مش بيكلمني من 22 رمضان من وقت ما الحلقة طلعت وقافل على نفسه اوضته ومش بيكلمني وانا ما طلعتش غير بابني.

وأضافت: كمية المونتاج اللي معمولة في الحلقة فوق ما تتخيلوا، والحلقة اتذاعت وياما حاحات بتنزل وتعدي ووقتها كنا في رمضان ومعنديش استعداد ابص لحاجة ولا اضيع صلاتي وأنا بخاف من ربنا بشكل مش طبيعي.

واستكملت: كنت مبلمة في الحلقة مع بسمة وهبة وكان كل همي أقلب التربيزة وأنا بحترم نفسي وانا عارفة بسمة خلوقة وطيبة وصحابتي من أول ما لبسنا الحجاب مع بعض، لكن مش عارفة هي عاملة سيستم للبرنامج ولا إيه.

وأردفت: أنا شبعت ظلم ومحدش اتظلم قدي، والمشكلة أني كنت راضية باي حاجة وظلموتني في مليون موضوع وتوصل لحد شرفي وعرضي وشرف ابني وشيخ يقول أني زانية، أنا معايا ماجيستير في الفقة المقارن ودكتوراه وبرامج دينية وبحتسبها تكون عند ربنا وفي ميزان حساناتي وأنا أم راجل وزوجة راجل وست صعيدية حرام عليكيم قطعتوني وإخواتي مبقوش يكلموني وابني مش بيمكلني وصاحبة القناة زعلانة مني والدنيا مولعة عليا بقول يا رب انا معملتش حاجة غلط ولو زي الستات اللي بتمشي في الحرام ماكنش اتجوزت على سنة الله ورسولة حرام عليكم من عاب ابتلى.

وواصلت: عمامي بيصرخوا وبيقولو لي إيه اللي بيتقال عليكي ده، وبعد كده اللي هيتكلم عليا ولا على شرفي ولا جوزاتي مش هكست، أنا مش عاملة بدعة وكل المذيعات اللي زينا متجوزين أكتر من مرة وإحنا حياتنا غير الناس العادية ومش ساهلة وفي ناس بتقرب علشان منبهرة ولما تقرب الانبهار بيروح واحنا ولاد ناس وعيلة ومش حايين من الشارع وعمري ما عملت حرام ولا حاجة غلط واخر مرة هتكلم ومالكوش دعوة بيا

واختتمت ميار الببلاوي: عملت دكتوراه وردست دين وخدت ماجيستير في يطاليا وحفظت القران، يعني تقولي الدكتورة ميار بالفم المليان أنا مش زي اللي بياخدوا الدكتوراه فوق البيعة، وأنا بنت ناس ومن عيلة ورجالة وصعيدية وناس ميعرفوش غير الشرف، وفي نهاية الفيديو تعرضت ميار الببلاوي للإغماء.