مريم أمين: الستات تركن شوية وتسكت

وجهت المذيعة مريم أمين، رسالة للسيدات بعدم الضغط على أزواجهن في الأمور المادية، مؤكدة أن الرجالة أصبحوا حريصين في الإنفاق رغمًا عنهم.

وقالت مريم أمين، في برنامجها اتفقنا، المذاع محطة نجوم FM: الستات تركن شوية وتسكت، وما حدش ييجي ناحية الرجالة في موضوع الفلوس دلوقتي، أنتم فاهمين يعني إيه أنكم ماسكين في رقبته؟ كل راجل دلوقتي لو عنده طفل واحد الدنيا ضبابية قدامه ومش عارف هيعمل إيه، ولا عارف بكره مستنيه إيه.

وأضافت مريم أمين: بلاش نقول بقوا بخلاء ده غصب عنهم، ولو أنتي مش بتشتغلي هيبقى كله عليه، وكلنا الأنبوبة فرقعت في وشنا.

ومن ناحية أخرى، مريم أمين هي إعلامية مصرية قدمت عددا من البرامج التلفزيونية الشهيرة، ومن بينهم برنامج المقالب الشهير حيلهم بينهم عام 2007، برنامج لعب النجوم عام 2012، البيت بيتك عام 2004، القاهرة اليوم 1998، تاراتاتا 2007.