رامي صبري : شيرين عبدالوهاب حبيبة قلبي ونصي التاني في الغنا ورجعت تاني تكسر الدنيا

شارك النجم رامي صبري جمهوره ومتابعيه صورة له عبر حسابه الرسمي بموقع تبادل الصور والفيديوهات ( إنستجرام ) ، خلال تكريمه في حفل توزيع جوائز ( جوي اوردز ) أمس ، في دورته الرابعة 2024، بالعاصمة السعودية الرياض .

ونشر صورة له لحظة التكريم ، وعلق قائلا:" أولا ألف مبرووك جائزة ( جوي اوردز ) لبنش ماركت اللي هي بعتبرها جايزتي لأنهم اخواتي عمرو زكي حبيبي وأخويا المجتهد المتجدد محمد زكي اللي بشتغل معاهم في السعودية الغالية وبنعمل أنجح حفلات الوطن العربي ".

وأضاف : ثانيا ، المملكة العربية السعودية دلوقتي هي في مكان تاني خالص من حيث التطوير والتنظيم والإبهار … إمبارح احنا كلنا عشنا أجواء حقيقي شفتها فقط في العالم الغربي وده تطور في الأمكانيات والوقت كمان … شكرا ألف شكر لمعالي المستشار تركي آل شيخ علي تطويره واهتمامه بالتفاصيل الفنية والتقنية الغير الطبيعية … أحسنتم جميعا حاجة مشرفة أكيد لينا كعرب إن يكون عندنا بلد بالتطور ده .

واختتم : ثالثا ، وبالنسبة لي ده شئ شخصي جدا ، شيرين حبيبة قلبي ونصي التاني في الغنا رجعت تاني وكانت منورة المسرح وكسرت الدنيا كعادتها الحمد لله … شكرا للسعودية إنها بتكرم فنانين بلدي مصر .

وأقيمت حفل توزيع جوائز مهرجان ( جوي اوردز ) بالعاصمة السعودية الرياض ، في نسخته الرابعة ، علي مسرح بكر الشدي ، وقد جاء النجوم والفنانين من كل انحاء العالم لحضور حفل المهرجان أمس السبت .