ما بين مؤيد و معارض.. كيف علق الفنانون على فيديو محمد صلاح لمساندة غزة؟

نشر نجم منتخب مصر وليفربول الإنجليزي محمد صلاح فيديو عبر حساباته الرسمية على مواقع التواصل الاجتماعي، مساء أمس الأربعاء، ليعلن تضامنه مع القضية الفلسطينية في أول تعليق له على العدوان الإسرائيلي الغاشم على قطاع غزة منذ بدء عملية «طوفان الأقصى»، وقد جاءت رسالته بردود فعل متباينة بين رواد السوشيال ميديا.

وقال محمد صلاح خلال الفيديو: «ليس من السهل أبدًا الإدلاء بتصريحات في مثل هذه الأوقات العصيبة».

وواصل: «شهدنا في الأيام السابقة عنفا شديدا ووحشية غاشمة تُدمي القلوب، لا يمكن تحمُّل وتيرة العنف المتصاعدة منذُ أسابيع. جميع الأرواح مقدسة ويجب توفير سبل الحماية لها».

بين التأييد والمعارضة

وتباينت ردود الفعل على رسالة محمد صلاح التي وجهها لمتابعيه عبر الفيديو الذي نشره على جميع منصاته على السوشيال ميديا، ما بين مؤيد ومشجعا لرسالته، وما بين معارض .

تلقى «صلاح» تعليقات مشيدة بموقفه من عدد من الفنانين على حسابه بموقع «فيس بوك» بعد نشر الفيديو، إذ قال الفنان أحمد السعدنى محمد صلاح معلقا:" يسلم لسانك"، و أضافت وفاء عامر وكتبت :" بحبك يبنى" ، وأيضا كتب الفنان ماجد المصرى :" ربنا يحفظك"، بينما كتبت الفنانة فيفى عبده :" الله يحفظك يارب".

الفنانين المعارضين

المخرج كريم العدل

بينما نشر المخرج كريم العدل صورة عبر حسابه الشخصي على موقع الصور الشهير “انستجرام” ووجه رسالة لمحمد صلاح قائلا:"لازم تبقى فاهم ان احنا لما كنا بنقول لك اطلع اتكلـم ماكناش عايزينك تتكلم علشان تقول لهم انك تدين.. ماكناش عايزينك تقول لهم انه صعبان عليك الأطفال ... ومكناش عايزينك تتكلم علشان تريحنا وخلاص"

وتابع:" كنا عايزينك تقول بالفم المليان "أنا بدعم الشعب الفلسطيني، ضد دولة الاحتلال قاتلة الأطفال"... تقول ان فيه إبادة جماعية بتحصل لشعب فلسـطين.. تقول ان قطع المياه والكهرباء والأكل وكل اللي بيحصل ده جريمة حرب"

وأردف المخرج كريم العدل:"... كنا عايزينك تتكلم وانت ماسك علم فلسطين.. أقول لك، بلاش كل ده.. كان كل طموحتنا انك تحط علم فلسطين في الـ PROFILE PICTURE على كل وسائل التواصل الاجتماعي علشان يشوفوها الـ ٦٠ مليون FOLLOWER اللي عندك.. زى عمرو دياب مثلا، ماهو ماطلعش اتكلم ولا كتب حاجة.. بس حاطط علم فلسـطين منور كل حساباته عالسوشيال ميديا"

واختتم رسالته قائلا:"عموما.. شكر الله سعيكم يا سيدي، ماتقولش حاجة تاني بقى من فضلك"

هنادي مهنا

ووافقته الفنانة هنادي مهنا في رأيه على ما قدمه محمد صلاح بشأن ما يحدث بغزة معبرة:"بالضبط..شكرا"

هند عبد الحليم

وقامت الفنانة هند عبد الحليم بالتأكيد على ما قاله المخرج كريم العدل عن محمد صلاح قائلة:"حاجة تحزن".

حازم إيهاب

ونشر حازم إيهاب مقطع فيديو عبر حسابه الشخصي بموقع إنستجرام، جاء فيه: بحب محمد صلاح كثير، ومؤمن بالتجربة اللي خرجت من بلدي رغم كل الصعوبات، ووصلت إلى العالمية ليعرف العالم كله من هو الشخص الذي يلعب في نادي جماهيري عالمي؟، وأيضًا دخلنا كأس العالم، يجب أن تفهم جيدًا مكانتك بين الناس.

وتابع حازم إيهاب: باسم يوسف عمل إيه أو إيه الخطوة اللي عملها اللي خلى العالم كله يتكلم عنه.. حلقته جابت 8 أو 9 مليون، واتكلم بحماس وعبّر عن رأيه بحيادية تامة، يا محمد كنت تعبر كأي شخص بيفكر صاحب نفسه قضية، الناس بتتحمي فينا.

واستكمل حازم إيهاب: باسم يوسف قال كل اللي عايزين نقوله ونوصله للعالم باللغة الإنجليزية، وجت ليه فرصة التحدث باللغة العربية وليس الإنجليزية على الإطلاق، خرج باسم يوسف واتكلم ولما كان المذيع بيقاطعه كانت ردوده كلها واقعية، وهو متمسك بطرف واحد وحمايته واتكلم عنه.

وأكمل حازم إيهاب حديثه قائلا: معنديش أي مشكلة على الإطلاق في تقبلك لكل الانتقادات اللي بتتعرض ليها، وفاهم إنك تبرعت للهلال الأحمر لصالح الضحايا في غزة، وأنا مش ضد قبولك للنقد وأن عندك اللي تخاف عليه، ولكن معرفش إيه هو، ودي أكتر حاجة استفزتني كتبر، مكنش عندي أزمة إنك تفضل مكمل في النظرية دي وتسيب الناس تضرب دماغها في الحيط.

وأضاف حازم إيهاب: عمرك ما كنت زي أبو تريكة اللي بياخد كروت صفرا وبيتوقف علشان لابس تشيرتات تعاطف مع غزة أو فلسطين أنت عمرك ما كنت الشخص ده.. أنت راجل خايف على مستقبلك أنت عملت فيديو ملوش أي لأزمة إيه اللي استفدتوا؟.. ومش فاهم أنت مع مين وعايز تضمن إيه.. أنت عايز تمسك في مين.. أنت خايف على إيه.. كلنا عارفين أنك كنت هتروح السعودية لا كان السنة دي أو اللي بعدها.. مش هتكلم على رزقك ربنا يباركلك فيه ياراجل دي قضية وفي ناس بموت.

أوضح حازم إيهاب: أنت خايف على إيه على الفلوس مظنش على شعبيتك ما هو متقنعيش أنك في الآخر هتدفن برة لا في الآخر هتدفن في مصر.

واختتم حازم إيهاب حديثه قائلًا: يا صلاح ده أنت كنت صوتنا كنت المعنى بتاعنا وكنت بتعرف العالم إن في ناس محترمين مصريين وماشيين جنب الحيط ومعندوش فضايح أنا حقيقي مش فاهمك.