بعد وفاة والدها.. مي كساب تطرح أغنية ”حضن أبويا”
![مي كساب](https://media.alnaharegypt.com/img/23/10/01/1012738_1696156884.jpg)
عبرت الفنانة مي كساب، عن إفتقادها الشديد لوالديها، مؤكده أنها تعاني بشكل كبير بعد رحيلهم، وذلك من خلال حسابها الشخصي على موقع التواصل الاجتماعي “الفيسبوك”.
وعلقت مي كساب قائلة:" بموت الأم بيروح طعم الحياة أمي ماتت كنت وقتها لوحدي ومحتاجة جدا لحضن بعد حضن أمي، ربنا عوضني بعدها بزوج صالح وأولاد الله يعينا علي تربيتهم بموت الأب بتحس فجأة أنك تايه وحيد من غير غطا اللي زيي عنده أولاد هيكتم مش هيعرف يقع ولا ينهار عشان هو الحضن لكل اللي حواليه.. ربنا عالم حضن أبويا كان أماني الله يرحمه ويمتعه في الجنة مع أمي ومع كل الصالحين".
وتابعت:" أغنيتي حضن أبويا غالية جدا على قلبي يمكن عرفت أفرغ جزء بسيط من اللي جوايا من مشاعر أغنيه هتمس كل قلب فقد حضن الامان والحمايه ربنا يصبرنا علي فراقهم ويحعلنا أولاد صالحين ندعيلهم ونعملهم طول الوقت صدقات جمهوري عيلتي التانيه حبيت أشاركم مشاعري وأتمني الأغنيه تعجبكم معادنا بكره الاتنين الساعه ٦ مساءا بإذن الله علي كل المنصات".
وفى سياق متصل، أحيت الفنانة مي كساب الذكرى الأربعين لوفاة والدها الراحل والذى وافته المنية يوم 23 من شهر يوليو الماضي.
ونشرت مي كساب صورة تجمعها بوالدها عبر صفحتها الرسمية بموقع الصور الشهير إنستجرام وعلقت عليها قائلة: “40 يوم عدو علي فراقك يا حبيبي راضية بقضاء ربنا لأن ده الخير ليك لكن وحشني حضنك وحشني كلامنا مع بعض الله يرحمك في الجنة ونعيمها بإذن الله ويا رب قدرني إني أكون الابنة الصالحة لأبويا وأمي الله يرحمهم”.