الفنانة المغربية هدى مجد تكشف كواليس تعرضها لـ الزلزال: نزلنا بالبيجامات في الشارع

كشفت الفنانة المغربية هدى مجد، كواليس زلزال المغرب المدمر الذي حدث أول أمس وراح ضحاياه مئات البشر.

وقالت هدى مجد خلال حلقة استثنائية، قدمتها قناة "هي"، تضامنا مع ضحايا الزلزال، من تقديم الاعلامية سارة نخلة، وفرح شعبان، ومروة عزام، : "الاوضاع مش حلوة خالص احنا كشعب مغربي مش متعودين على الكوارث الطبيعية ولا الحروب ربنا أنعم علينا بالامن والامان فدي كانت صدمة لينا كلنا ولما حصل الزلزال حسينا بيه في كزابلانكا، في عائلات كلها توفت وناس لحد دلوقتي تحت الانقاض ربنا يجبر بخاطرنا وبخاطرهم كلهم والجو كئيب جدا في الشارع.

واستكملت هدى مجد: من خلالكم احب اشكر كل الناس ومصر والسيسي وشكرا شركات الاتصالات اللي اتاحت للمغاربة يتواصلوا مع اهلهم ببلاش انا شايفة مبادرات حلوة بتثلج الصدر ونتمنى نكون ايد واحدة وهنا الناس بالدم بيتبرعوا بالدم.

كما روت كواليس تعرضها للزلزال وماحدث لها حينها: انا عشيت كل ده شخصيا ونزلنا بالبيجامات في الشارع نزلنا على السلم الشارع كله فيه ناس كلنا لحد 3 الصبح بالبيجامات في الشارع منمتش بقالي يومين خايفة حاجة تحصل واحان في كازبلانكا اقل من اللي بيحصل في مراكش ربنا يلطف بينا والحمد لله على كل حاجة.