محمد صلاح العزب: كتبت سفاح الجيزة عشان الناس تبطل تقول على اللي بيبوس إيد أمه عريس لُقطة

تحدث السيناريست محمد صلاح العزب عن المغزى من مسلسل سفاح الجيزة والذي يخوض بطولته الفنان أحمد فهمي ويعرض حاليا على منصة شاهد الإلكترونية، مشيرا إلى أنه سيكتب فيلم إذا نجح في توصيل الرسالة للجمهور.

وقال محمد صلاح العزب عبر موقع التواصل الإجتماعي “فيسبوك”: عشان نبقى متفقين على حاجة أنا مبحبش الرسايل في المسلسلات والأفلام بس أنا كاتب لكم مسلسل سفاح الجيزة مخصوص عشان الناس تبطل تقول إن اللي بيشرب شاي بلبن يبقى طيب.. واللي بيشغل قرآن ده متدين ونآمن له.. والشاطر لا بينفسن ولا بياكل حق حد.. واللي بيبوس إيد أمه يبقى عريس لقطة.. واللي بيحب الحيوانات مستحيل يظلم البني آدمين.،وباكيدج الطيبة المصرية الفطرية الجميل ده يخف شوية.

وتابع: لو الحكاية دي نفعت يبقى الواحد أدى رسالته في المسلسل ويقدر يكتب فيلم وهو مرتاح.

مسلسل سفاح الجيزة

يشارك في بطولة مسلسل سفاح الجيزة، عدد كبير من الفنانين، أبرزهم الفنان أحمد فهمي، باسم سمرة، ركين سعد، داليا شوقي، ميمي جمال، حنان يوسف، وآخرين، والعمل من تأليف محمد صلاح العزب، وإخراج هادي الباجوري.

وتدور أحداث مسلسل سفاح الجيزة، في إطار التشويق والإثارة، حول سفاح وقاتل، يقوم بارتكاب العديد من الجرائم، وتتوالى الأحداث في هذا الإطار.