محمد حماقي: حلم أي فنان الغناء بمهرجان قرطاج.. والغناء قدام الجمهور التونسي صعب
![محمد حماقي](https://media.alnaharegypt.com/img/23/08/19/1003492_1692451497.jpg)
تحدث الفنان محمد حماقي عن وجوده في حفل ختام مهرجان قرطاج السينمائي بدورته الـ 52، مشيرًا: شرف ليا وجودي في المهرجان.
وقال محمد حماقي خلال المؤتمر الصحفي للمهرجان: أنا سعيد جدًا بوجودي في مهرجان قرطاج وشرف وحلم أي فنان أنه يقدم حفلة على مسرح قرطاج.
وأضاف حماقي: سعيد أني بختم مهرجان كبير وعريق زي مهرجان قرطاج، وحلم لأي فنان أنه يكون على مسرح قرطاج في تونس، لعدة أسباب منها عراقة المهرجان وحلاوة الجمهور التونسي، ومن أول ما ابتديت أغني وأنا بسمع للجمهور التونسي هو جمهور فنان وجمهور راقي وصوته حلو، ومعلومة معروفة عندنا أن الجمهور التونسي هو جمهور مغني.
وعن تأخير وجوده في مهرجان قرطاج، أوضح حماقي: معرفش ليه اتأخر وجودي في مهرجان قرطاج يمكن مكنش في فرصة أننا نتقابل، وجت الفرصة وأخيرًا اتحققت.
وعن غنائه بلهجات مختلفة، قال حماقي: طول عمري بقول موضوع الغنى بلهجات مختلفة، هو مدارس أنا بنتمي لمدرسة أني أغني بإحساس، ومش بحب أفعل راسي وأنا بغني، أنا بشوف اللي بيغني بلهجة مختلفة هو بيشغل نفسه بلهجة تكون صح ومخارج الحروف فـ ده بياخد جزء من إحساسك، وده السبب اللي يخليني مقدمش أغنية بلهجة تانية، أنا بحب أسمع الغنى التونسي بس من التونسى، والغنى قدام الجمهور التونسي مهمة صعبة مش سهل لازم تكون عامل حسابه ومجهز نفسك.